Vienan Karjala

Kirjutukset vienankarjalakse

Kindahas liečitäh nagrol

Piendyaigu: 14 Kezäkuudu 11.00 aigah
Piendykohtu: Kindahan kylä

Kezäkuun 14. päivänny 11.00 aigua Kindahan kyläs zavoditah XXIX Nagrandufestivualii.

Täl kerdua Kindahan kylän pruazniekku roih omistettu meditsiinale – joga kylän gost’u suau rohtuo, vitamiinua, häi suau viessavuo, myös parandua omua tervehytty nagrajen zirkalopertis, syvvä tervehellizii vaste pastettuloi-keitettylöi karjalazii syömizii, kiškuo hammas.   

Pruazniekan vedäjäkse tänä vuon kučuttih Ven’an kuulužua Kuzmičua, artistua Viktor Bičkovua. Ilaškoittamah rahvastu Kuzmič rubieu kaksi čuassuu 13.00-15.00. Täl aigua häi rubieu “ristimäh” rahvastu Kuzmičoikse, lahjoittamah Kuzmičan piäh pandavii. Jällespäi, 15.00 aigua artistu rubieu fotografiiruimahes kaikkienke, ken tahtou kuvan Kuzmičanke. Fotosessii rodieu Kindahan paččahan tyves.

Tavan mugah roitah pruazniekal arbajazetgi, net pietäh 14.00 aigah piäzylippuloin mugah. Piälimäzenny lahjannu on endizelleh höstödelegy – kolme tonnua höstyö Priäžän souhozaspäi. Lahjua on äijy, kai ollah nagrettavat, niilöin joukos on viizi rengie vetty Martsial’noit viet -sanatouriespäi.

Muudu piduo pruazniekal:

– Fitoterapii: voibi opastuo plettie venkoi peldokukis. Anuksen heinyfestivualin rahvas ozutetah omii olgiluajilmuksii da opastetah luadimah niilöi.Nämmii luajilmuksii sit rahvas suajat ottua ičele duačal.

– Elättiterapii: Uvven Vilgan fermeru ozuttau omii kazvattiloi: poččiloi, lehmii, hanhiloi, lambahii da muuloi tahnuon da liävän eläjii.

– Karjalazet liedžut kiännytäh rahvastu lapsusaigah. Suurien liedžuloinke rinnal roita pienembätgi liedžut lapsile. Pruazniekan jälles karjalazet liedžut jiäjäh Kindahan kyläh.

– Šipainiekoin ruaju: Kinnermäläine Nadežda Kalmikova rubieu pastamah šipainiekkua elektroplitoil juuri pruazniekan aigua. Kai šipainiekoin myöndäs suavut dengat mennäh Karjalan Kielen Koin hyväkse. 

Lippu kyläpruazniekkah maksau 100 rubl’ua. Täl kerdua pruazniekan järjestäjät hommattih suuri mašinoin azetuskohtu. Pruazniekkah vuotetah enämbi kolmietuhattu gost’ua. Piästä pruazniekale voibi avtoubusalgi, niidy rubieu käymäh Petroskoin autoazemalpäi.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat