Vienan Karjala

Kirjutukset vienankarjalakse

Elän ruavon vuoh

L'udmila Sergejevna (oig.) ruadau Alavozen souhozas 35 vuottu

“Elän ruavon vuoh” – nämmä sanat ollah tärgiembät L’udmila Galahinan elaijas. Armastus on lapsis da bunukois. Veseldysty tulou pajattajen. L’udmila pajattau kaiken ijän.

Midä vai ei rubie sanomah, terväh naizel tullah mieleh pajon sanat. Suuri tukku pajuo da runuo on naizel kerätty tetrattih. Tämän častuškan sanat kosketahes L’udmilah:

Pajol istun,

Pajol astun,

Pajol aigua menetän.

L’udmilan pikkarazet bunukkazet kerras alevutah itkus, konzu kuultah buaban pajozen. Vieno, čoma buaban iäni uinottau pikkarastu Var’astu, bunukku Johor sežo  prižmiy buabas pajostu.  

Monii vuozii L’udmila pajattau Kummažet-joukos.

– Pajattajes joukos ainos tulou hyvä mieli, sanou L’udmila.

L’udmilan roindukohtu on pieni Nurmoilan hieru. Tuatto – Riškal’skii Sergei Grigorjevič ruadoi sliesarinnu Alavozen souhozas. Omas masterskois ainos oli por’adku. Mies opasti omii vävvylöigi dai bunukkoi mašinoin kohendamizeh.

Muamah – Nina Petrovna, valgoven’alaine, ruadoi Alavozen souhozas lypsäjänny. Nina Petrovna maltoi viišivoja. Kangaspuul maltoi ruaduagi. Perehes pietäh ruokos hänen käzil luajittuloi pyhkimii da kattieloi.

Hos muamah oli Valgoven’alpäi, ga opastui pagizemah karjalakse, ku  muatušku pagizi. Buabah avvutti lapsii kazvattua. Ainos lapsile pripivoičči: “Pidäy olla kohtinazennu ristikanzannu, ei pie nikonzu kielastua.” Nevvoi: “Älä ota vierastu – omat kaimuat.”

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat