Vienan Karjala

Kirjutukset vienankarjalakse

Luonnon helmas kazvanuh kirjuttai

Nikolai Zaitsevan mualavuksien ozuttelu ruadoi tänä sygyzyn Anuksen kirjastos, pakkaskuus kirjuttajan mualavulksii suajah nähtä petroskoilazet

Karjalan kirjuttai Nikolai Zaitsev, kudai on tundiettu kerdomuksil “Omat ikkunat”, “Katkottu oza”, “ 16. talvikuudu täytti 75 vuottu.

Nikolai Petrovič on Anuksen karjalaine,omas linnas händy monet tutah da suvaijah. Nikolai Zaitsev puaksuh kävyy Anuksen rahvahallizeh kirjastoh, ottau kniigoi ičele da mučoile lugiettavakse, vastavuu lugijoinke sego yhtyy monih kirjaston piettävih tapahtumih. Kirjaston hoidajan Galina Mihailovna Fedulovan kuhkutuksel vuvvennu 2006 Vladimir Brendojevan festivualin kynnyksel häi kirjutti oman enzimäzen Čuajumuagari-kerdomuksen. Sen jälles päivänvalgien nägi vie 14 piendy da suurdu kerdomustu. Viizi niilöis on kerätty kirjuttajan enzimäzeh Omat ikkunat -kniigah, kudai piäzi ilmah vuvvennu 2009. Iče Nikolai Petrovičua kiinnostau histourii. Hänen tevoksien piätiemannu on ristikanzu, kuduan kauti kirjuttai sanelou vaigielois histouriellizis tapahtumis: voinis, kollektivizatsies, repressielois sego voinan jälgehizis vuozis. Omien tevoksien korgies tazos da ainavoluaduzes kirjutusstiilis Nikolai Zaitsev kaksi kerdua piäzi Vladimir Brendojevan literatuurupalkindon laureatakse sego vuvvennu 2010 sai Sugurahvahien ohjelman literatuurupalkindon.

– Rahvas lugietah da suvaijah Nikolai Petrovičan kerdomuksii. Olemmo hyväs mieles, gu häi kävyy meile da kirjuttau karjalan kielel. Olemmo ylbiet, gu moine nerokas ristikanzu eläy Anukses, sanelou Anuksen rahvahallizen kirjaston ruadai Tamara Boikova.

Nikolai Zaitsev on rodinuhes Antulan kyläh, endizeh Leskeläh. Suvi-Karjalan kylien histouriet, endine da nygöine elaigu ollah lähezet kirjuttajal.

– Karjalan kielen neruo sain omas perehes, silloi kai hieru pagizi karjalakse..

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat