Vienan Karjala

Kirjutukset vienankarjalakse

Kandurahvahis kandurahvahien kielel

Ozutteluloin luadii Jekaterina Logvinenko (oig.) ozuttau, kui pidäy kižata Meččäh elämäh tulluot -kižah // Kuva: Ol'ga Smortova

Kanzallizes muzeis tazavallan päiviä vaste avattih kaksi uuttu zualua da elostusperti lapsile.

Kerran ku et tiedäne, midä kalanpyvvysty oli meijän muan rahvahal libo et nähnyh muanruadajan brujua, sinule sit vältämättäh pidäy tulla Karjalan Kanzallizeh muzeih. Muzein kahtes uvves zualas on ozutettu Karjalan kandurahvahien perindöllizeh talovuoh kuulujua vehkehty, materjualua, kuvua. Sanakse, uuzien zualoin avuandugi on luajittu Perindölline talovus -projektan hantuzis, kudamah suadih kannatustu mulloi Potaninan fondaspäi. 

Perindöt unohtutah

Karjalan kandurahvas – karjalazet, vepsäläzet, ven’alazet – ijän kaiken elettih omal väil: kalastettih, mečästettih, ruattih muadu, piettih žiivattua, kerättih muarjua da gribua. Tänäpäi nämä ruavot unohtutah, rahvas yhtytottu kävväh kalah joudoaijan viettämizekse, mečästykses rodih ilohommu. Sendäh muzein ruadajien mieles hos hyö toinah ei voijagi kiännyttiä rahvastu sih perindöllizeh eloksen tabah, ga voijah sanella sit da säilyttiä se. Se on tärgevin.

– Sada vuottu tagaperin rahvas elettih toizin. Pereh oli se piälimäine fabriekku, kudai andoi kaikkie, midä pidi ristikanzale eläjes. Pereh oli iče tuottajannu, eibo ostajannu vai, kui nygöi. Myö tänäpäihäi iče nimidä emmo luaji. Meijän lapset ni ovvosteta ei, mibo se on huondeksel nosta, juosta kožinoh ottamah vaste munittuu jäiččiä, sellittäy uuzien zualoin avuandua muzein johtai Mihail Goldenberg.

”Meččy on korvu,  vezi on silmy”

Uuzis zualois on sanottu kandurahvahien ruadolois XIX-XX vuozisuan enzimäzen kolmandeksen aigua. Enzimäine on omistettu vezihommile, toine – muanruadoloile da meččyhommile. Vezihommih kuulutah: kalan da merizvierilöin suandu, helmen pyvvändygi. Sit zualas näet hongoin da kahtes puusgi luajitun hongoin, verkokuožalin, jiäkengän, tuulaskobran da vie äijy midä muudu, midä pidi kalastajale...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat