Vienan Karjala

Kirjutukset vienankarjalakse

Kummalline piha

Arlovskoin pihah miellytäh siiriči ajajat da astujat, yhty tottu hyö azetutah kuvuamah sidä // Kuva: Ol'ga Kuzmina

Boršakkalas Arlovskoin pihas mittumua vai kummakastu “eläjiä” ei ole.

Jälgiaigua moudah tuli čomendua taloloin pihat. Pidäy sanuo, gu sih niškoi eri rahvas käytetäh eri materjualoi: kengo plastiekkubutilkoi, kengo vahnoi mašinoin rattahii, a kengo heiniä. Kummallizen pihan minä lövvin Anuksen piirin Boršakkalan kyläs. Talois eläy Arlovskoin pereh.

Boršakkalah se muutti kolme vuottu tagaperin. Taloin ižändy Kazimir  Konstantinovič on rodinuhes Valgo-Ven'al.  Karjalah häi muutti, konzu hänel oli kolme puolenke vuottu, voinan jallois. Hänen tuatto kerras otettih frontale. Kazimir Konstantinovič muamanke puutui vangiluagerih. Voinan jälles hyö jiädih elämäh Anuksenlinnah, sie Kazimir Konstantinovič opastuigi pagizemah karjalakse.

Omah mučoih Marina Maksimovnah häi tuttavui Murmanskas, konzu sluuži armies. Hyö kerras miellyttih toine toizeh. Sluužban jälles nuori pereh lähti elämäh Loittozeh Idäh, kus Kazimir Konstantinovič sai ruadopaikan. Yhtelläh kolmenkymmenen vuvven peräs heile pidi tulla järilleh Anuksenlinnah pidämäh huoldu Kazimir Konstantinovičan muamas, kudai pahoi voi. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat