Vienan Karjala

Kirjutukset vienankarjalakse

Kyykkä sai kannatuksen

Liittolazet opitah elävyttiä vahnua karjalastu kizua // Kuva: Ol'ga Smotrova

Tänävuon Kanzallizen poliitiekan ministerstvas Karjal on meijän kodi -programman hantuzis hyväksyttih piäl kahtukymmendy Karjalan eri yhteiskunnallizien liittoloin projektua.

– Kui mulloigi, tänävuon projektoih oli annettu kaksi milounua rubl’ua. Ga tänävuon kannatimmo enämbän projektua, migu mennyt kerran, sanou Kanzallizen poliitiekan ministerstvan kanzallizen kehittämizen ozaston piälimäine Viktor Birin.

Karjalan Rahvahan Liitto sai omah projektah niškoi 102 tuhattu rubl’ua. Nämmih gengoih liittolazet huavatah jatkua mullostu projektua, kudai oli tarkoitettu vahnan karjalazen Kyykkä-kižan kehittämizekse Karjalas.

Karjalan Rahvahan Liiton piälikkö Jelena Migunova paheksiu, ku tänäpäi Karjalas jo ei musteta sidä perindöllisty kižua, olihäi aigu, konzu Kyykkä libo, kui sidä sanotah livviköt – kriukku, oli meijän ezi-ižien lembikižannu. Nygöihäi sidä kižua kehitetäh enimyölleh Suomes.

– Tänävuon myö kačommo pidiä karjalazen Kyykkä-kižan kilvat Priäžäs, Anukses, Kondupohjas da Petroskois. Voittajat sit kerrytäh suureh Kyykä-kilbah Petroskoile, sanou Jelena Migunova.

Mullozen Kyykkä-karjalazien brendu -federualizen projektan hantuzis laujittih Kyykkä-kižan 20 komplektua, 300 bukliettua kižah nähte da 40 paidua kižuajile. Opastamah Kyykkä-kižah Petroskoih käi Žanna Tikkanen Kalevalaspäi, opastujuahäi tuli eri kylispäi, kudamat opastetahgi nygöi kižuamah rahvastu jo omis kylis da linnois...

Viktor Birin ližäi myös, ku Kanzallizen ministerstvu kehitti panna Kyykkä-kiža Ven’an kanzallizien kižoin joukkoh. Ku otetanneh, ga tuliel aigua Kyykkä-kilvat roitah pietty jo Ven’an tazol.

Saman projektan hantuzis liittolazet kačotah kannattua kieldygi. Sih niškoi liittolazet jo ostettih Oma Mua- da Vienan Karjala -lehtet. Karjalankielizii lehtii ruvetah ilmai levittämäh rahvahile kylis poštuozastoloin da laukoin kauti.

Roih pietty myös Minä pagizen karjalakse -aksii. Sih niškoi luajitah rynnäsmerkit “Minä pagizen karjalakse”, kudamat suajah rahvas, kudamat maltetah karjalua.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat