Vienan Karjala

Kirjutukset vienankarjalakse

Vuotettavu “Värttinä”

Miellyt ”Värttinän” hyvih iänih, pajoloih da muuzikkah. Net ollah ainavoluaduzet // Kuva: Natalja Jermolina

Vuotettavu ”Värttinä”

Petroskoil loppihes Eepilline forumu, kudai kesti nedälin. Sen loppupiän ehtäl oli kuulužan ”Värttinän” konsertu. 

”Värttiniä” Petroskoile tottu vuotettih. Suomelaine folk-joukko on kuulužu ymbäri muailmua da meil Karjalas sen suvaiččijua on ylen äijy. ”Värttinä” oli kerran vai Karjalas, Petroskois. Ga se oli jongoi kaksikymmen kuuzi vuottu tagaperin. Tämän päivän joukon pajattajis da soittajis silloi Petroskoil oli vaiku Mari Kaasinen. Mari mustelou, ku ”Värttinä” sil aigua oli ylen suuri, joukos oli enämbi kahtukymmendy hengie.

Sizärekset Mari da Sari Kaasinen ollah ”Värttinän” perustajat. Vuvvennu 1983 hyö kerryttih yhteh da allettih igivahnas karjalazes runoperindös. Sanakse, tänävuon joukko täyttäy kolmekymmen vuottu da tämä Karjalah tulendu kuuluu vuozipäivän gastrolimatkoih.

Enziallus oli vahnua karjalastu runuo da kandelehel soitandua. Se oli neidizile muite vai mieliruado, ga terväh jongoi hyö ellendettih: pidäy tuvva nägövih unohtuksih jiännyh karjalaine pajoperindö da anna se kuuluu uudeh luaduh. Dai kuulumah se rubei ei vaiku omas muas, suomelas-ugrilastu kul’tuurua siirdäi da kylväi ”Värttinä” rodih kuulužu kaikes muailmua...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat