Vienan Karjala

Kirjutukset vienankarjalakse

Lijat da viet tervehyökse

Sanatouriel on litsenziet tervehyshoijon 36 luaduh. Enimät tervehyshoijot kuulutah put’ovkan hindah, erähis tulou maksua ližäkse, sanommo, voimisteluzualas da SPA-kapsulas. // Kuva: Ol'ga Smortova

“Martsial’nije vodi” on kogo Ven’al tundiettu kurortu. Rahvas kävväh Karjalah parandamah tervehytty Moskovas, Piiteris, Arhangel’skas, Novosibirskas, Belomorskas da toizis linnoispäigi, on heijän keskes, tiettäväine, Karjalasgi eläjiä. Mittumasbo kunnos on sanatourii tänäpäi da midä elostu eläy? Erähät lähtietäh sanatourieh parandamah omua tervehytty da huogavumah luonnon helmas, toizet vuotetah Ven’an kuulužas sanatouries parembua komfortua. Yhtelläh enimät sie olluot rahvas kiitetäh sanatouriedu da sen ruadajii, ei pettieshäi monet rahvas huogavutah sit kohtas monii vuozii peräkkäi. Piälimäine sanatourien tarkoitushäi on tervehyön parandamine, kai toizet dielot ei olla moizet tärgiet.  

– Minuu ylen äijäl miellytti parandua tervehytty sanatouries, enämbi kaikkie miellyttih žemčužnoi kyly da suoluperti. Sain sanatouries hyviä mieldy kogo vuvvekse… pahakse mieldy, tänävuon denguhädiä en puuttunuh sanatourieh. Miellyin minä sen čupun kohtihgi, olin Hirvahas da Kivač-koskel, ylen čomat kohtat ollah, kirjutti sotsiualusaital piiteriläine Katerina Kaževa.

On moizii mieliigi, ku sanatourii ei kehity: liečelaittehet ollah vahnahkot, ruado uuzien sanatourien taloloin nostamizekse kesken jäi, dai pihal ei ole putin kunduo. Eihäi muite sygyzyl oli paginua sih nähte, ku sanatourii on bankrotstvan pardahal.

Liečindyalan ruadajien pruazniekkua vaste sanatourien dieloloi sellitti sen johtai Aleksandr Matiješin. Johtajan virras mies on puoli vuottu.

 Velgoi maksetah

Sanatourien johtajan sanoin mugah, denguhädä roihes sendäh, ku sanatourii eläy vaiku omih dengoih, b’udžietaspäi se nimidä ei sua. Hil’l’azeh velgoi suittui, a varua maksua niilöi aijalleh ei täydynyh. Pidi sit toizeh tabah järjestiä sanatourien ruado. Nygöihäi velgua jäi jo vai 15 miljounua rubl’ua. Joga kuudu sanatourii maksau 4 miljounua, da terväh velgu rodieu maksettu. Sidä paiči Aleksandr Matiješin on varmu, ku nygöi sanatourii hyvin pyzyy jalloilleh da sen salbuandas ei voi olla ni paginua. Jo tänävuon rahvas ostettih put’ovkoi sanatourieh 80 miljounah rubl’ah...

 

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat