Vienan Karjala

Kirjutukset vienankarjalakse

Algu ruavon kaunistau

Meigäläzet neidizet yhtes kursiloin opastajan Miikul Pahomovanke. // Kuva: Kuva: Natalja Kruglova

Lyydikse maltajua hil’l’akkazin liženöy – Helsinkis 16.-20. kezäkuudu piettih lyydinkielizet kursit, kudamien luadijannu oli Lyydiläine seuru

 Nämä kursit oldih enzimäzet, kudamat luajittih kielen opastajih da tiedoruadajih niškoi. Tädä enne Suomes ruadai Lyydiläine seuru keräi lastu vai Ilmori-luagerih, kudamas lapset opastuttih lyydii da tuttavuttih lyydiläzien kul’tuurah. Seuralazien mieles pidäy jo hädäkelloh ruveta soittamah – lyydikse pagizijuahäi Miikul Pahomovan mugah on jiännyh kudakui kolmesadua hengie. Kieli häviey, tämän protsesan azettamizekse  pidäy ruveta opastamah kieleh lapsii. A sih niškoi pidäy pädeviä opastajua.

Helsinkis kursilois oli viizi meigälästy neijisty: kolme Kielen, literatuuran da histourien insituutan tutkijua Aleksandra Rodionova, Svetlana Koval’ova da Natalja Čikina da kaksi lyydilästy: Nadežda Koval’čuk Kuujärvespäi da Natalja Kruglova Kentjärven kyläspäi.

Lyydin murreh insituutan ruadajile hyvin pädöy tulieloih tutkimuksih niškoi. Aleksandra Rodionova, sanakse, tuliel aigua rubieu tutkimah lyydin kielioppii, tarkembah sanojen sen sijoi. Nadežda Koval’čuk jo opastau Kuujärvel lyydii kerhos. Iče hyvin maltau lyydikse, da kursiloil opastujile neidizile ainos oli hyvä nevvoi da auttai. Natalja Kruglova omas kyläs, Kentjärves, täs sygyzys algajen rubieu opastamah lyydii entokul’tuurizes keskukses.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat