Vienan Karjala

Kirjutukset vienankarjalakse

Kuningahan silmykaivo

Tolvujan kyläs 17. heinykuudu kohenduksen jälles uvvessah avattih da pyhitettih “Kuningahan silmykaivo”

Karhumäin piirin Tolvujan kyläs jälles kohendustu uvvessah on avattu “Kuningahan silmykaivo”

Tolvujan kyläs 17. heinykuudu kohenduksen jälles uvvessah avattih da pyhitettih “Kuningahan silmykaivo”. Sih pidoh tuli Karjalan halličuksen herrua, Karhumäin piirin virguniekkua da paikallistu eläjiä.

Silmykaivon avuandu oli omistettu Romanovien kuningasperehen 400-vuozipäiväle da kuului suureh programmah, kuduah paiči Tolvujan silmykaivon avuandua da pyhitändiä, kuului vie Suuren knäginän Marija Valdimirovnan, Ven’an Imperuattorusuvun piälikön käyndy Kižin muzeih.

“Kuningahan silmykaivos” ennevahnas saneltih, ku se piästi Romanovien suvun emän voimattomuos.

Karjalas on äijy kohtua, kuduat ollah kiini kuningahien Romanovien nimes. Karjalan piälimäine linnu Petroskoi sai oman nimen kuningas Pedris. Hänen nimes kiini on enzimine Ven’an parandolu “Martsial’nije vodi”.

“Kuningahan silmykaivon” viet ollah šungituukivilöil livotetut, sendäh ku se sijoittuu suurimal šungittukaivoksel Tolvujan kylän lähevil.

Šungitois on olemas fullerenua, uglerodan erinomaine muodo. Fullerenoin löydämine on mainittu suurimien tiedoalan löydämizien joukos da suannuh Noubelin palkindon vuvvennu 1996.

“Kuningahien silmykaivo” oli pyhitetty kuningahan Nikolai Romanovan da hänen perehen – akan Aleksandran, poijan Aleksijan, tyttärien Ol’gan, Tatjanan, Marijan da Anastasijan – mustelendupiän.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat