Karjalazien kul'tuurua virguniekoile
Tehvehyönhoijon, Ekonoumizen kehityksen, Kanzallizen poliitiekan, Kul’tuuru- da Finansuministerstvoin, Turizmukomitietan da Petroskoin administratsien ruadajat enzimästy kerdua opittih kižata kyykkiä. // Kuva: Ol'ga Melentjeva
Viijen ministerstvan da virraston kymmene ruadajua piätteničän ehtäl, jälles ruadopäiviä tuldih Junost’-stadionale kilbailemah Jessoilan Nuorus Vägi -järjestön da Karjalan Rahvahan Liitonke.
Jessoilčat jo enämbi puoldu vuottu harjoitellah kyykkä-kižua. Sulakuus hyö piettih kilbua omas kyläs. Karjalan Rahvahan Liiton rubei harjoittelemah vaiku keviän lopus. Kaččomattah sih, ku ministerstvoin ruadajat enzimästy kerdua sinäpiän piettih käis da opittih lykätä kyykkä-pualikkoloi, hyö terväh tuttavuttih kižan siändölöih da mielihyväl kižattih. Kilvan voittajakse rodih Jessoilan Nuorus Vägi -joukko.
Juohatammo, ku jo lopul keziä da sygyzyl Karjalan Rahvahan Liiton projektan mugah Kyykkä-kižan piirikilvat pietäh Priäžän, Anuksen, Segežan, Kondupohjan piirilöis da Petroskoil. Enzimäine piirikilbu, kudamah yhtytäh Vieljärven, Jessoilan da Priäžän joukot pietäh Priäžäs 17. elokuudu.
-
Työnnä kirjutuš
-
Lövvit ku hairahtuksen, kirjuta meile!
Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.