Vienan Karjala

Kirjutukset vienankarjalakse

Obrazu tuodih kodih

Pruazniekkusluužban aigua rahvas da buat’uškat Smolenskoin Jumaldoman obrazu käis astuttih kylän časounas ymbäri. // Kuva: Ol'ga Smotrova

Smolenskoin Jumaldoman obrazu on ylen vahnu, 1600-luvun aigaine. Se ijän kaiken nevvostovuozissah oli Kinnermäl. Vuvvennu 1979, konzu Kinnermän časounu oli valdivon vallan ual, obrazu viettih Karjalan taidomuzeih. Nygöi se on sie ruokos, pyzyväzes ozuttelus. Täh Kinnermän pruazniekkah enzi kerdua sai tuvva obrazu kodvazekse kodih.

– Vie mennyt vuon tahtoimmo sen luadie, ga ei puuttunuh. Ei annettu lubua. Tänävuon maksoimmo kai strahouhkat, kuuzituhattu rubl’ua tuli maksua, muiten ei suannus tuvva obrazua kyläh. Sehäi on ylen kallis da arvokas, sellittäy pruazniekan emändy Ol’ga Gokkojeva.

Tämä Smolenskoin Jumaldoman obrazu on ainavo Anuksen gubernien čuvvonluadii obrazu. Rahvastu Kinnermäle kumardumah sille da kyzymäh abuu Jumaldomal ainos kävyi äijy. Hyö suadihgi abuu, piästih pahuzis. 

– Nämä rahvas sit tuldih järilleh, passiboittih da kiitettih Jumaldomua. Tuodih sille kuldua, kel ei olluh äijy varua, ga tuodih vil’l’ua, sendäh časounua sai pidiä kunnos. Se ruadoi dai rahvastu sih ainos tuli kaikis Anuksen gubernien čuppuloispäi, jatkau paginua Ol’ga.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat