Vienan Karjala

Kirjutukset vienankarjalakse

Maijon päivän ilo

Oman lehmän Dočkanke Tamara Skvortsova pagizou karjalakse // Kuva: Ol'ga Kuzmina

Tazavallan muatalovuon, kalastuksen da mečästyksen ministru Grigorii Manuilov da Anuksen piirin haldivon johtai Ol’ga Tervo yhtes palkittih muatalovusalan parahii ruadajii. 


Kodižiivatoin ozutteluh yhtyi vai yksi lehmy. Festivualih niškoi se čomasti sellitettih.
- Meil on lehmy, vaza da počči. Lehmiä meijän perehes kaikin suvaijah, se syöttäy meidy, maijos otammo kannatekset, luajimmo voidu, ruahtuo. Maiduo iče juommo dai myömmö Magriän eläjile. Lehmänke minä pagizen karjalakse, gu kieli ei unohtus, sendäh gu minun ukko ei tiijä karjalan kieldy, lapset ollah vie pienet, sanelou lehmän emändy Tamara Skvortsova. 

Festivualis sai oppie maidohistu, tazavallan maidozavodat gostitettih rahvastu maijol, kefiiral, kannatekses luajittuloil desertoil da ruahtol. Kaččojien suurekse ilokse oli Oma pajo -horan ezitys. 

Festivualin piätapahtumannu oli traktoristoin kilbu. Tänävuon kilbah tuli 12 hengie Mägriän, Videlen, Alavozen da Tuuksen muatalovuslaitoksis, sego Anuksen ammattiopistospäi.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat