Vienan Karjala

Kirjutukset vienankarjalakse

Karjalan kielen koin hyväkse

Kahvilah näh nuoret valmistettih magiegu pastostu da n’amuu, keitettih koufiedu da čuajuu // Kuva: Ol'ga Gokkojeva

Ravintolapäivänny, 18. elokuudu, meijän Kinnermän ystävät -yhtymän nuoret Jenni Isoniemi, Piia Syri, Merja Tenhunen, Tiina Sipilä ja Albrik Meier, Hilla Männikkö, Anna da Sofia Gokkojevat järjestettih Oulus Karjalan kulma -kahvila.

Kahvilan tavoittehennu oli kerätä varua Karjalan kielen koin hyväkse. Jogahizel nuoris oli oma vuitti täs ruavos. Enne kaikkie jogahine kannattau meijän ruaduo da mielihyväl yhtyy projektan joga ruadoh. Tämä on minun mieles suurin dielo, sidä moizes suures projektas tarvitah enimyölleh.

Ylbienny kačon kui ”Kinnermän ystävien” nuoret maltettih hyvin da šeikkuperäzesti valmistua tädä päiviä. Dorogan pielih pandih čomat viittehet, pihale – palatku da katos, järjestettih ozuttelu da čöndžöibazari.

Gost’ua kahvilah tuli äijy.  Kahvilas gostile myö ozutimmo TV-uudizii Kinnermän pruazniekkah näh da meijän ruadoh näh. Gostile roittih mieldy myö järjestelyt, syömizet da ozuttelut. Täs kaikes kiitämmö meijän nuorii.

Päiväs saimmo 801,65 jevruo.  Ližäkse saimmo Helena Hirviniemelpäi lahjakse 125 jevruo. Tämä lahjoitus oli äijiä suurembi da tärgiembi meile, migu dengusummu. Suuri passibo uskos da himos avvuttua. Passibo kaikile avvuttajile, čöndžöibazarin lahjoittajile, da tiettäväine, niile, ket tuldih kahvilah. Yhtehizes ruavos on vägie!

Lopul nedälii Vieljärvel rubiemmo valamah koin alužindu, sit algavuu Karjalan kielen koin nostamine. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat