Vienan Karjala

Kirjutukset vienankarjalakse

Uuzi vuozi uvvel ozastol

Karjalan da vepsän kieldy rubieu opastumah kolme neičykkiä // Kuva: Ol'ga Smortova

Täs opastusvuvves algajen Petroskoin valdivonyliopistos rubei virrallizesti ruadamah itämerensuomelazien kielien laitos.

Vie keviäl tuli tietoih: yliopiston kaksi laitostu, kus opastetah kanzallizii kielii, yhtistetäh. Suomen kielen da literatuuran da karjalan da vepsän kielen laitokset ruvetah kuulumah yhtehizeh itämerensuomelazien kielien laitokseh filolougizeh tiedokundah. Uvven laitoksen johtajan Tatjana Paškovan mugah yhtiständiä pidigi vuottua, se oli vältämätöi. Konzu vuozi vuottu vähenöy opastujua, vähenöygi opastajien lugu. Pieni laitos ei voi olla olemas, se vältämättäh liitetäh suurembah.

– Toinah nimidä pahua yhtiständäs ei ole. Pahua mieldy da ylen žiäli on sendäh ku karjalan da vepsän kielet ei ruveta enämbiä kuulumah, kui enne kuuluttih. Nämä kielet oldih kogonazen ozaston nimes. Nygöi kai tämä häviey, paheksiu Tatjana Paškova.

Uvven laitoksen ruavos täkse päiviä nimidä ei muuttunuh. Kui ennegi kezän aigua laitoksele otettih opastumah nuordu nellän spetsial’nostin mugah: suomen kieli da literatuuru, karjalan da suomen kieli, vepsän da suomen kieli, suomen da anglien kieli. Jälgimäzien opastujien joukko rodih suurimii, sit rodieu 15 hengie opastujua. Sidä paiči suomen, karjalan da vepsän kielen opastujien joukot ei olla suuret. Suomen kieldy erikseh rubieu opastumah kuuzi hengie. Karjalan kieldy – kaksi: yksi livgiläine, toine vienankarjalaine. Vepsän kielen opastui on sežo vaiku yksi.

– Nämä kolme hengie ruvetah opastumah karjalan kieldy da vepsän kieldy erikseh. Rodieu kolme juokkuo: vienalazien, livgiläzien da vepsäläzien, jogahizes yksin hengin. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat