Vienan Karjala

Kirjutukset vienankarjalakse

Algu yhteisruavole

Simon Elo on puolovehes vuvves 2009 algajen // Kuva: Jelena Filippova

Syvyskuun allus Petroskoile käydih Perussuomelazet-puolovehen nuoret.

“Perussuomelazet” Suomes on kolmandekse suuri puoloveh. Sen tyveh vuvvennu 2006 perustettih nuorien alaozasto. Sen piälikönny tänäpäi on Simon Elo. Petroskoil häi oli iče da vie kaksikymmen viizi Perussuomelazih nuorih kuulujua. Kolme päiviä kestänyön ruadomatkan aigah nuoret vastavuttih Karjalan halličuksen, Zakonoinhyväksyndykerähmön da yhteiskunnallizien liittoloin rahvahanke. Matkan tarkoitus oli meijän mualoin yhtehizen ruavon kehitändy.

Simon Elo

Ven’ale tulendah nähte

– Olen enzi kerdua Ven’al. Minun buabo monii vuozii tagaperin pagei Karjalaspäi. Tuli Suomeh tädin kel, kudai oli vie pikkaraine lapsi. Perehes sit muutandas ei äijiä paistu, net oldih kibiet dielot minun buabale. Häi ei nikonzu jällespäi käynnyh Ven’ale, ei piässyh. Häneh niškoi se oli suuri kaduomine.

Ven’an kielen neros

– Ei buabo ven’akse maltanuh. Engo minä, pahakse mieldy, malta. Suomes tänäpäi vajai 2% suomelastu opastuu ven’an kieldy, toizielpäi ruočin kieldy opastuu 100% rahvastu, ku se on vältämätöi opastusaineh. Meijän järjestön mieles ruočin kielen opastundu pidäy olla välly, omatahtoine, ku enämbi rahvastu Suomes sit voidas opastuo ven’an kieldy.

Matkan tarkoitukses

– Tulimmo tänne sendäh ku, jervrokriizissu on menemäs. Suomes vie on talovuolline kriizissu, salvatah äijät ruadopaikat. Pidäy uuttu avavustu. Pidäy kehittiä välilöi Ven’anke, Ven’a on ainos olluh Suomele merkittävy kauppupartn’ouru. Voi sanuo, jälgivuozinnu se merkičys on vähäzel pienennyh, ga täl aigua se opitah muuttua. Karjalan tazavallashäi voi olla äijy mahtuo Suomen yrityksile. Sen sijah Karjalan tazavallaspäi voi tulla investitsiedu Suomehgi. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat