Vienan Karjala

Kirjutukset vienankarjalakse

Tervata yhty venehty

// Kuva: Il'l'u Mošnikov

Suomes Jovensuun linnas 17. syvyskuudu Suojärven Pitäjäseura on pidänyh Karjalan kielen kehittämine da tulii aigu -seminuaran.

Sille oli kučuttu eri karjalan kielen murdehien hyväkse Suomes ruadajat seurat. Seminuaran järjestäjät pandih merkile, gu karjalan kielen elävyttämizekse on tärgei, gu kai Suomes olijat järjestöt da seurat oldas "yhtes venehes", ei ergavuttas toine toizes, unohtamata Ven'an puolel ruadajii karjalan kielen aktivistoi da järjestölöi. 

Jogahine ozanottai ezitteli omat pluanat tuliekse aigua. Karjalazien kodirandualoveh -projektan edustai Reijo Jeskanen saneli, gu Pohjas-Karjalan kehittämine karjalazien hyväkse on ylen tärgei karjalazien identitietale. Lähipluanois on ezimerkikse suaja 56 karjalankielisty nimilaudua Pohjas-Karjalah. Projektan hantuzis rubei ruadamah suomen- da karjalankieline internetsaitu, kudaman sivuloil on tarkah saneltu, mi se on kodirandualoveh da mittumat tavoittehet projektal ollah.

Karjalan Kielen Seuran da Karjalan Sivistysseuran edustajat saneltih, gu jatketah endizelleh ruaduo karjalan kielen elävyttämizekse da hyväkse. Karjalan kielen seuran pluanois on suaja karjalankielizet uudizet Pohjas-Karjalan alovehele. Mollemban seuran mugah on tärgei andua ližiä abuu kielen opastamizeh da uuzien kniigoin piästämizeh.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat