Vienan Karjala

Kirjutukset vienankarjalakse

Maltatgo paista karjalakse

Čižik Nina Pavlovna rodiihes Tverin čupul, hänen tuattah dai muamah mollembat oldih karjalazet // Kuva: Margarita Kemppainen

Muga kyzyimmö ruadajil dai gostil, ken sil aigua piädyi olemah Kul’tuuruministerstvah. Enzimäzekse “pöllästyi” ruadai, kudai vastai vierahii. Häi ei ellendännyh ni yhty sanua, vaiku rubei huolehtimah da tahtoi kuččuo ozastoloin ruadajii, ga myö Margaritanke rauhoitimmo händy, sanoimmo, olemmo la menemäs kaikkih ozastoloih.

Tiettäväine, enzimäine vastavus oli ministranke. Vikse kaikin Karjalas jo tietäh: Jelena Viktorovna Bogdanova on karjalan kielen tiedäi dai maltau paista, pidiä pitkii dokluadoi, vastata kaikkih kyzymyksih puhtahal karjalan kielel. Minä kyzyin Jelena Viktorovnal, midä juuri täl aigua häi kirjuttau karjalan kielel? Ministru vastai, ku kirjuttau päivykirjah omii ruadoloi...

Hyväl mielel myö menimmö ielleh da vastaimmo Eduard Vasiljevič Marčenkon, kudai ei tiedänyh ni yhty sanua karjalakse, ga tahtoi tiijustua midätahto meijän kieles. Häi sai lahjakse kniigazen karjalan kielel, uskaldi algua opastuo kieldy karjalan kielen kursiloil.

Oli meil iluo, konzu meile vastah tuli Čižik Nina Pavlovna, häi joga kyzymykseh vastai hyväl karjalan kielel, vaiku Tverin murdehel. Meil ei olluh äijiä aigua, ga kuundelimmo Nina Pavlovnan kerdomustu omah pereheh näh. Häi rodiihes Tverin čupul, hänen tuattah dai muamah mollembat oldih karjalazet, ainos kois paistih karjalan kielel. Inehmine iče on unohtannuh äijän sanua, nygöi oli ihastunnuh, ku sai paista muamankielel tiedäjien naizienke. Kaikile kielen tiedäjile myö lahjoitimmo rynnäsmerkin ”Minä pagizen karjalakse”...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat