Vienan Karjala

Kirjutukset vienankarjalakse

Kuni ollou Säveldäjien taloi, sini ei loppieta konsertat

Aleksandra Pahmutova da Nikola Dobronravov (hur.) käydih Sortavalah kaksi kerdua // Kuva: Ol'ga Smortova

Ven’an tundietut säveldäjät – Aleksandra Pahmutova, Nikolai Dobronravov, Vladislav Kazenin da toizet – käydih mennyt nedälil Karjalah Ven’an säveldäjät lapsile -festivualin hantuzis

Säveldäjät piettih konsertoi Sortavalan muuzikkuškolas da Karjalan filarmounies Petroskois. Ei petties juuri Sortavalas jo moni kerdua piettih se festivuali: Sortavalan čupun luondo monien vuozikymmenien aigah andoi vägie kuulužile säveldäjile ruadoh niškoi. Joga vuottu hyö käydih huogavumah Sortavalan Säveldäjien taloih, monile sigäläzet kohtat roittih omat. Petroskois Aleksandra Pahmutova, Nikolai Dobronravov da Ven’an Säveldäjien Liiton piälikkö Vladislav Kazenin musteltih, kui mielihyväl hyö käydih huogavumah Säveldäjien taloih da midä ruattih sen puolistamizekse. On tietty dielohäi, ku se tahtottih salvata endizen Karjalan piämiehen aigah vuvvennu 2011 da andua sen tilat kodiloin nostamizekse.

– Rahvas kiistetäh tämän muapalan periä, neušto se, mi olis nostettu meijän taloin sijah, andas rahvahale enämbi hyödyy, sanou Aleksandra Pahmutova...

Kazenin on varmu: kuni ollou Säveldäjien taloi Sortavalas, sini ei loppieta nerokkahien säveldäjien muuzikkukonsertat. Iče Vladislav Kazenin käi Sortavalah joga elokuudu 45 vuottu peräkkäi. Säveldäi sanou, ku kai, min häi kirjutti, häi kirjutti juuri sie, Karjalan luonnon helmas, ku Moskovan “häly” ei myvvitä moizeh ruadoh.   

– Säveldäjien talois Rolan Bikov ozutti meile oman “Čučelon”, Leonid Afanasjev kirjutti sie “Gl’ažu v oz’ora sinije”, sie mieleh tuligi kirjuttua “Gagarinan tiähtijoukot”, sanou Kazenin.

 

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat