Vienan Karjala

Kirjutukset vienankarjalakse

Kolme tärgiedy dieluo

Kuulužu Kalevalan sportsmenu, hiihtäi, Kyykkä-kižan kehittäi Žanna Unovna Tikkanen sellitti Kyykkä-kižan siännöt da saneli, midä eruo on Kyykän jyttymien – Pappi, Mölkky, Šanteri-manteri – kižoin välis // Kuva: Ol'ga Smortova

Mennyt nedälil Paginkanzu-kluuban gostis oli kalevalalaine sportunaine Žanna Tikkanen.

Žanna Unovna tuli Petroskoile nedälikse, Karjalan piälinnas naizel oli kolme tärgiedy dieluo: Kandua Olimpiiskoidu tuldu, pidiä Kyykkä-kižan kilbua yhtes Karjalan Rahvahan Liitonke da kävvä opastusseminuaroih päivykodiloin da kielipezien kazvattajih niškoi.

Žanna Tikkanen rodivui da eläy vienankarjalas, pagizou vienakse da suvaiččou omua kodoimuadu. Nedälin Petroskois elettyy naizel oli jo kiireh kodih, kui iče sanou: “En nikunne lähiš Kalevalašta”. Žanna Tikkazen juuret on Kontokin kyläspäi, sie elettih hänen rodukunnat Pekšujevat. Tikkazien perehes on kaksi tytärdy, pienembi tytär opastuu školas, toine – opastuu karjalan da suomen kieldy Petroskoin yliopistos. Paiči suvaičustu omah kieleh da muah, Žanna Tikkanen kazvatti tyttäris suvaičustu sportahgi. Tikkazien perehes jogahizel on sukset, luistimet da pöyry. Yhtelläh rakkahin sportu Žanna Unovnal on hiihtämine, talvel pyhinpäivin naine hiihtäy kaksikymmen kilometrii, kezäl kävelöy kävelykeppilöinke.

Karjalan da Suomen puolel Žanna Tikkastu nygöi tietäh karjalazien perindöllizen Kyykkä-kižan kehittäjänny. Nastu opasti Kyykkäh tämän kižan tiedäi da kehittäi Vladimir Denisov. Žanna Tikkanen omas puoles opasti sih kižah eri piirilöin rahvastu Karjalan Rahvahan Liiton Kyykkä-karjalazien brendu -projektan mugah. Paginkazu-kluubasgi Žanna Unovna sellitti Kyykän siännöt da saneli, midä eruo on Kyykän jyttymien – Pappi, Mölkky, Šanteri-manteri – kižoin välis...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat