Vienan Karjala

Kirjutukset vienankarjalakse

Enzimäzekse astunuh

Sanni Tikan juuret ollah Salmis. Jovensuus inehmine oli enzimäine, ken algoi opastua karjalan kieldy Rahvahanopistos dai OK-opintokeskukses kerhos // Kuva: Ol'ga Smortova

Salmis rodivunnuh Sanni Tikka oli enzimäine, ken rubei Jovensuun rahvahanopistos, sit OK-opintokeskukses opastamah karjalan kieldy.

Algavui kai vuvvennu 2005, konzu Suomeh perustettih Karjalan Kielen Seuru. Karjalaine Sanni Tikka tuli seurah, rubei ruadamah sekretarin ruaduo. Sil aigua opastajannu ruadanuh inehmine oli jo penziel.

– Silloihäi jo tuldih tiedokonehet, minul pidi opastuo ruadamah niilöil. En maltanuh sidä nikui. Sanoin arhijepiskopale sen. Ga häi lauhtutti, sanoi: työnnyt, harjavut hil’l’akkazin. Minä sil aigua ylen äijäl kiinnostuin kieleh da kaikkeh sih, mi liittyy karjalažuoh. Mustan, enzi vuon, seurah sain kaheksakymmen hengie. Äijy ruaduo oli, ga minuh niškoi nenne oldih ylen hyvät vuvvet, mustelou Sanni Tikka.

Kieldy ku ruvettih elävyttämäh, pidi suaha opastusgi karjalakse. Sanni Tikkua kehitettih karjalan kielen opastajakse Jovensuun rahvahanopistoh. Inehmine oli enzimäine, ken rubei rahvahanopistos opastamah karjalan kieldy. Karjalan kieli on inehmizele oma. Häi rodivui Salmis da salmikse maltoi hyvin.

– Kursiloilhäi oldih eri rahvas, kengo pagizi suistamon murdehel, kengo suojärven, kengo čiisto livvikse. Minä ainos sanoin: jogahine anna pagizou omal kielel, kudamua kieldy maltatto, sih paiskuagi. Toine tostu taki ellendämmö. Minä ylen hyvin ellendän kai murdehet, ellendän vepsäläziigi. Karjalaine karjalastu taki ainos ellendäy. On toinah eruo paginas, lienne ku midägi sanua emmo rubie tiedämäh, ga arbuammo, sikse meile piä da äly on annettu, sellittäy opastai.

Sanni Tikka sanou: karjalazet ollah monikielizet rahvas. Konzu voinan jallois pajettih Suomeh, sit toinah tuli Suomie myöte liikkuo. Yhtes kohtaspäi toizeh muutettih, sit pidi joga toizen čupun murrehtu opastuogi.

– Maltammo läs kai suomen kielen murdehet. Ven’an Karjalas oli muga: lapsienke kois paistih karjalakse, konzu lapsi lähti školah, školas kiellettih, ei suannuh karjalakse paista, sit koisgi ruvettih pagizemah ven’akse. Samat dielot oldih meil, jatkau paginua Sanni.

Paiči rahvahanopistuo, Sanni Tikka kävyi opastamah karjalan kieldy Kiteel. Kyzyttih, ga ei ni kieldävynnyh. Sit kuuzi vuottu yhteh palah ajeli Kiteel...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat