Vienan Karjala

Kirjutukset vienankarjalakse

Taidoloin yö Petroskois

Midä? Konzu? Kus? -kiža loppihes suurel karjalazel kruugal // Kuva: Ol'ga Smortova

Kylmykuun 3. päivänny Petroskois piettih Taidoloin yö -aksii.

Tänä vuon kogo Ven’al enzi kerdua piettih Taidoloin yö -aksii. Tämä aksii yhtistäy jälgivuozinny piettylöi Muzeiloin yö, Kirjastoyö, Teatruyö da äijät muut aksiet. Oli tämä aksii Petroskoisgi. Mennyt suovattan petroskoilazet voidih kävvä muzeiloih, teatroih, filarmounieh da ozutteluzualoih päiväl, illal libo yöhämäris.

Onnuako suuriman programman aksieh niškoi valmisti Karjalan Kanzalline muzei. Taidoloin yö muzeis kesti kai kaksi päiviä, sen aigah muzeis voi fotografiiruijakseh professionualizeh fotokamerah, fotografiiruijakseh kaikenmoizis ruutis, kudamat oli suadu muzeih Kanzallizes teatraspäi, tiettäväine, voi kaččuo ozutteluloigi. Muzein seinis voibi kävvägi pajokonsertah, opastuo uvvistamah vahnoi fotokartočkoi tiedokonehprogrammoin vuoh, voibi yhtyö kanzoinvälizeh Suška-projektah: ottua ičelleh mitahto fotokartočku, da andua “Suškah” kuva omas al’boumas, muga eri mualois da linnois eläjät rahvas vaihtetah fotokartočkoi.

Aksien tossu piän muzein yöniekoin joukos oli suuri arteli lastu, kudamat tuldih yhtes omien vahnembienke opastumah käziruadoloih, sanommo, luadimah syvysluajilmuksii libo vepsälästy perindöllisty tyttii. Paiči master-kluassoi, muzeis piettih Rahvahan yhtenäžyön pruazniekale omistettu Midä? Konzu? Kus? -kiža, kudamah yhtyi eri kanzoin rahvastu...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat