Vienan Karjala

Kirjutukset vienankarjalakse

Omas kois seinät vois

Aleksandr Voglojev (oig.) rodih kilvan parahakse artistakse // Kuva: Ol'ga Kuzmina

Priäžän piiris piettih seiččemes karjalazien perehien kilbu.

Ku mennyt vuon voittajikse piästih nuožarveläzet, tänävuon kilbu oli heijän kodikyläs - Nuožarves. Täl kerdua kilbu piettih toizeh luaduh, sih kučuttih opastajii omien kazvattiloinke. Sendäh gu opastajal kyläs on kui opastus- da kazvatus-, mugai tärgei sotsiualurouli. Häi yhtistäy lapsii, heijän vahnembii daigi kylän kaikkii eläjii. Ozuttamah omii neroloi kerävyttih algukluasoin da karjalan kielen opastajat Priäžän piirin kolmes eländykohtas sego Voglojevien pereh Nuožarvespäi. Opastajat kilbailtih keskenäh kolmes nominatsies: opastai kois, školas sego kyläs. Kaikis suurin joukko tuli Vieljärvespäi. Opastajat hyvin tietäh oman rahvahan perindölöi sego pajoloi. Hyö saneltih omis ruutis da ozutettih, kui eri luaduh karjalazet naizet sivottih paikkoi: mečäs olles, ruadajes, huogavujes, kylyn jälles, talvel. Yhtes heijänke kaččojatgi yhtyttih kižoih da tansiloih. Ei ni opastujat jiädy jällele omis opastajis, hyö ozutettih Kaži da kukki -nimizen van'alazen suarnan. Kilvan piätavoittehennugi on harjaittua nuorii omah muamankieleh da kul'tuurah sego lujoittua Priäžän piirin školien välit.

Nuožarven da Priäžän školien karjalan kielen opastai Nina Barmina ozutti iččie hyvänny oman suvun tiedäjänny, häi saneli omas perehes, buabas da died'ois, kuduat opastettih händy karjalan kieleh sego rahvahan viizahuos.

- Muamo ainos sanoi meile: muijal paiskua mil tahtotto kielel, kois paiskua vai karjalakse, nenga myö tässägi elämmö, sanelou Nina Petrovna... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat