Vienan Karjala

Kirjutukset vienankarjalakse

“Tämä on kaikkien karjalazien kirjuttajien kunnivo”

Aleksandr Volkov mielihyväl ozuttau perehal’boumua da sanelou omis. Leskimiehel on tyttö da poigu, kaksi bunukkua da pruavobunukku // Kuva: Ol'ga Smotrova

Karjalaine kirjuttai Aleksandr Volkov pidäy omassah 85-vuozipäivän. Omua roindupäiviä vaste Volkov sai Karjalan Tazavallan Rahvahan kirjuttai -arvonimen.

Tundiettu karjalaine kirjuttai da kiändäi, kudamua vie sanotah livvin runoniekakse, Aleksandr Lukič Volkov, täyttäy 85 vuottu talvikuun 25. päivänny. Aleksandr Volkov on “Oman Muan” toimituksen alalline gos’tu, ei nikonzu prähkä voimattomuttu, ainos iče kävyy ottamah lehtie toimitukseh, yhteltiedy tarattamah kuulumizii da, tiettäväine, andamah uuttu iččeh kirjutettuu libo kiännettyy runuo.

Nedäli tagaperin Aleksandr Lukič toi toimitukseh hyvän viestin – hänele annettih Rahvahan kirjuttajan arvonimi...

Aleksandr Volkov on ruadajien kyläläzien roduu: hänen lapsusaigu oli köyhy, školah lähti kois kuvottulois da laukkukuorivies kruasittulois štanilois. Halloissah käveli pallahin jalloin... Karjalazennu olles Volkov on hyvä kalastai, harjaitti sih ruadoh omii bunukkoigi. Volkovah nähte kai oli kirjutettu kogo Ven’al tundietus Mečästäjien entsiklopedies. Suuren igäpalan Volkov ruadoi meččyalal, ruadajes ajeli kai Karjalan kylät. Miesty tänäpäigi hyvin tutah hänen endisty ruaduo möyte. Olis tämä igäpala vie suurembi, ga “Minlesproman” salvahuu Volkov lähti penziele, omua lähtendiä ruavospäi häi sellitti: “Työ oletto “uvvet ven’alazet”, a minä olen vahnu karjalaine, varrastua en malta…”

Uuttu arvonimie koskijoih kyzymyksih Volkov vastai lyhyösti da varmah: “Tämä on kaikkien karjalazien kirjuttajien kunnivo”.

– Midä ezmäi ruadazit karjalazien hyväkse, ku sinul olis valdua sih niškoi? 

– Ezmäi minä suazin Karjalan halličukseh karjalazii. Ku virguniekat “kiännyttäs rožin” karjalazih rahvahihpäi. Ku Karjal kehittys, ku ei salvattas kombinuattoi, a nostettas uuzii. Yksi Kondupohjan kombinuattu andoi 2/3 gaziettubumuagua kogo Van’al. Oli enne 15 meččyzavodua, nygöi omas ičes pidäy ostua meččiä…myö olemmo “varrastettu” kanzu.

Toizekse perustazin Suomelas-Ugrilaizen školan. Sit, kudai meile on, opastutah vai suomen kieldy. Nimittumii toizii suomelas-ugrilazii kanzoi nygöi sie ei ole.

Vie yhten dielon ruadazin..

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat