Vienan Karjala

Kirjutukset vienankarjalakse

Helmu lekui, kottu vingui

// Kuva: Jelena Filippova

Kevätkuun 14. päivänny kuulužu horeograffu Viola Malmi olis täyttänyh 82 vuottu. Joga vuottu täl aigua inehmizen ruaduo jatkajat opitah luadie mitah pido Viola Malmin mustokse da kunnivokse. Tänävuon tundiettu tansuansambli ”Karjala” da Viola Malmin perustettu ”Karjalaine gorničču” luajittih entoillačču Petroskoin Projekt 14 -kluubas. Rahvastu illaččuh tuli ylen äijy, sen verran tulijua toinah ni smietitty ei. Tulluzie keskes oli tansijua dai gost’ua.

Ihan illačun allus rahvahale ozutettih pieni rouliekku Viola Malmis. Sen luadi “Karjalan” ohjuaju Andrei Anisimov. Rouliekas oli kuvua da videodu, kai net saneltih Malmin ruavos da “Karjalan” da “Karjalazen gorničan” konsertois da ajeluksis. Viola Malmi onnuako ristin-rästin oli ajelluh Karjalan, keräi folklourua da sit nämmii kerättylöi tiedoloi da neroloi jagaili, levitteli rahvahale.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat