Vienan Karjala

Kirjutukset vienankarjalakse

Karjalan kielen urokan aigua: veškelčy Lev Vorobjov, anukselaine Jelena Kudel’nikova (hur.) da Pitkäsrannaspäi L’ubov’ Budneva // Kuva: Jelena Filippova

Se on oza samannimisty Karjalan Rahvahan Liiton etnokul’tuuruprojektua, kuduan todevuttamizes autettih Karjalan kul’tuuruministerstvu sego tazavallan Kanzallizien kul’tuuroin keskus.

Seminuaran avajazis Karjalan Kul’tuuran ministru Jelena Bogdanova sanoi, ku tämä “Liiton” projektu sai arvostuskomissien korgiet arvosanat konzu se annettih kačottavakse projektoin kilbah.

– Seminuaru on Pajon paja -projektan jatkuo, kudamua todevutimmo vuvvennu 2007 Karjalan Rahvahan Liitonke, mustelou L’ubov’ Nikitina. – Jälles sidä projektua ilmestyi äijy uuttu karjalankielisty pajuo.  Täl kerdua myö tahtommo kiändyö perindöllizien karjalankielizien pajoloin puoleh. Opastumah seminuarah kučuttih rahvahallizien horien da pajojoukkoloin ohjuajii Karjalan eri piirilöis: pohjazes suvessah, kaikkiedah kaksikymmen hengie. Kolmen päivän aigah hyö suadih teoreettizii tiedoloi Karjalan pajohistouries, horien kehittämizes, tuttavuttih karjalazien rahvahanrunohuoh, perindöllizih ruuttih, tansiloih da kižoih sego yhtyttih monih harjoitteluloih da master-kluassoih.

– Minä monii vahnoi pajoloi jo tiijän, pajatan Agafonovoin čikkoloin ansamblis, ga yksikai himoittau opastuo uuzii pajoloi. Muitegi seminuaru andau äijän hyviä, tiä myö tuttavuimmo hyvih ristikanzoih, jogahine opastau meidy, sanelou Uvven Vilgan karjalazen Ildukečoit-nimizen kluuban varajohtai Zinaida Vasiljeva..

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat