Vienan Karjala

Kirjutukset vienankarjalakse

Elaigu Karjalan ruadivon da televiidenien hyväkse

Eläkkehel olles Nikolai Petrovič kirjuttelou kudamidä karjalan kielel, kiändi Pyhäžy dielo- da Hodari-ozuetelmat karjalakse // Kuva: Jelena Filippova

Kuulužu radivo da TV-toimittai Nikolai Filatov täytti 75 vuottu.

Nikolai Filatovan iäni on hyvin tundiettu kogo Karjalas, kaksikymmenkuuzi vuottu Nikolai Petrovič ruadoi Karjalan ruadivos da televiidenies, luadi ohjelmii karjalan da suomen kielil. Rodinuhes Nikolai Filatov on Priäžän piirin Haroilan kyläh. Voinan aigua da sen jälles hänel puutui eliä toizis kylisgi, lopukse hänen tuatto luadi uvven koin Robualah. Nikolai Petrovič kävyi Kolatsellän školah, kusgi sai suomen kielen neron, seiččemendeh klussassah kai ainehet oldih vaigu suomekse. Jälles školua vuonnu 1956 Nikolai Petrovič lähti opastumah Petroskoin valdivonyliopistoh suomen kielen ozastol, kahten puolenke vuvven peräs suomen kieli kiellettih, kogo Karjalas opastumine da ruado suomen kielel loppiettih..

Ainos ajeluksis

Ruadamah Karjalan ruadivoh Nikolai Filatov tuli vuonnu 1972, enne sidä ruadoi ven'an kielen da fiiziekan opastajannu sego viizi vuottu oli Kolatsellän školan johtajannu.

– Konzu kielel ei olluh kyzyndiä, yhtentostu vuvven aigua, se rubei unohtumah, vagavembis tiemois oli jygei paista, pidi tartuo sanakniigah, hil’l’akkazin karjalan kieli elbyi, sen ližäkse livuin pagizemah suomeksegi. Myöhembi mondu vuottu ruavoin  vie suomen kielen kiändäjänny, mustelou Nikolai Petrovič...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat