Vienan Karjala

Kirjutukset vienankarjalakse

Kevätihalmot Anuksen mual

Vastavuksen gost’annun oli neroniekku L’ubov’ Mihailovna Zaharova // Kuva: Valentina Libertsova

Kevätkuun 23. päivänny Anuksen kanzallizes kirjastos piettih illačču, kudai kuuluu Vladimir Brendojevan literatuurufestivualin pidoloih.

– Nengozih vastavuksih ainos yhtytäh net ristittyzet, kuduat toven suvaijah omua karjalan kieldy, säilytetäh sidä da kus vai voijah paistah karjalakse, sanoi pivon avajazis Kanzallizen kodirannan literatuuran ozaston johtai da festivualipidoloin vahnin perustai Galina Mihailovna Fedulova.  

Galina Mihailovna mustoitti Zinaida Dubininan sanat da ihailoičči, ku täh illaččuh kerävyi “suuri pino karjalastu halgostu”.    

Videlen ”Ilhalmo” ilokse

Enimät, ken tuldih, oldih anukselazet, aktiiviizet kirjaston lugijat, ga oligi gost’ua toizis piirin čuppuloispäi. Kaikis loittozet oldih Videlen Ihalmo-pajojoukon naizet, kuduat hol’aitettih kuulužii ven’alazii pajoloi karjalakse. Kiättih net Galina Ol’kina da Raisa Kudžijeva. Pajojoukko ihaškoittau kyläläzii jo kymmene vuottu. Soitti naizile kuulužu kaikkeh luaduh mies Iivan Mihailovič Iljin, giir’usportan voittai da kannattai, Videlen muuzikkuškolan opastai, kylän johtai. Kus vai löydänöy kaikkeh täh aigua da vägie. Galina Mihailovna kiitti Van’ua sit, ku häi hyvin pagizou livvikse. Agu oli   suuri ihalmo kuunnelta naizien helevii iänii, nerokastu pajatandua da soitandua, armahasti kuulujii muaman kielel sydämen igävyksii da tunnustuksii! Kuundelijat muheloitettih ga toiči hil’l’akkazin pyhkittih kyynäldy...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat