Vienan Karjala

Kirjutukset vienankarjalakse

Brendojevan jälgeläzet

”Anuksen karjalazet” Brendojevan festivualis. Hyö joga ruadostu ruatah yhtes. Ruatah äijän dai nikonzu omii ruadoloi ei kohista, karjalazet sih ei olla harjavunnuot. // Kuva: Kuva on otettu Anukses kirjaston arhiivaspäi.

Anuksen karjalazet -yhtistyksen piälikkö Vladimir Lukin pidi omassah vuozipäivän.

”Ilopalat

Miehet jalot,

Joga dielos kädevät,

Meččiä kuatah,

Muadu ruatah,

Kojit pannah pädevät.”

Anuksen karjalastu Vladimir Lukinua hyvin tutah Karjalas. Häi – karjalan kielen da karjalazen rahvahan puolistai – on Anuksen karjalazet -yhtistyksen piälikkö, monien vuozien aigah kuuluu Karjalazien vallittuloin nevvostoh da Karjalan piämiehen tyves toimijah Karjalazien, vepsäläzien da suomelazien nevvostoh.  Häi nägyy on joga pivos, kus vai sellitetäh karjalazien dieloloi da ruadoloi,  piettänehgo niidy Anukses libo Petroskois, libo vie kustahto muijal. Ainos tulou, ku tulemattah ei voi olla. Dai miehen maltuo da neruo tottu sanuo tarvitah ainos. Ylen tiedäjyhäi häi on. Vladimir Vasiljevič hätken aigua ruadoi ezmäi opastajannu, sit vie hätkembän Anuksen piirin administratsies. Oli opastusozaston piälikönny, hoidi sotsiualukyzymyksii, oli administratsien piälikönnygi.

Juuret karjalazet

Kerran ku Vladimir Vasiljevičua tutah karjalazien aktivistannu, sendäh paginuagi täs kirjutukses enne kaikkie rodieu hänen ruadolois. Yhtelläh sanomattah miehen juuris da perehes sežo nikui ei sua olla. Ei ku ollus mies moine ylbei omis juuris da omas kanzas, ruvennusgo häi sen verran vägie panemah sih dieloh.

Lukin on umbikarjalaine, rodinuhes Žilčoin hierus. Hänen tuattah oli Žilčoispäi, muamo – Yllözespäi. Perehes aiven paistih kahtel kielel: karjalakse da ven’akse, maltettih sežo suomen kieldy. Tuatto, Vasilii Lukin, ijän kaiken ruadoi šouferinnu, muamo, Anna Lukina, opastajannu, kul’tuurutaloin emändänny, sit ruadoi bol’ničas kantsel’aries. Vladimir, kudai lähti muaman jälgilöile – rodih opastajakse...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat