Kehittiä karjalažuttu rajan mollembil puolil

Karjalan Sivistysseuran Heimopäivät tavan mugah pietäh joga vuottu eri Suomen linnois. Tänävuon sulakuun allus karjalazet kerryttih yhteh Turkuh. Heimopäivät oldih omistettu vienalazen perindölöin tiedäjän, runoloin pajattajan Santra Remšujevan 100-vuozipäiväle. Karjalan puolelpäi Heimopäivih oldih kučuttu Karjalan Rahvahan Liiton piälikkö Jelena Migunova, Kielen, histourien da literatuuran instituutan spetsialistu Valentina Mironova da Santra Remšujevan bunukku, Oma Mua -lehten toimittai Maikki Spitsina...

Sivistysseuran piälikkö Eeva-Kaisa Linna saneli seuralazile vuvven 2013 ruavos. Omas paginas Eeva-Kaisa Linna juohatti, ku seuran tarkoitus on kehittiä karjalazien kul’tuurua da kieldy, sego lujoittua karjalažuttu rajan mollembil puolil.

Vuozikerähmöl Eeva-Kaisa Linna mainičči niidy järjestyö, kudamienke Seuru pidäy monivuodehistu yhtehisty ruaduo. Niilöin keskes ollah Karjalan Kielen Seura, Juminkeko-fondu, Suojärven pitäjäseura, Suomi-Venäjä-Seura. Karjalan puolel net ollah Karjalan Rahvahan Liitto, Nuori Karjala, yliopisto, Periodika-julguamo, Opastus-, Kul’tuuru- , da Kanzallizen poliitiekan ministerstvu. Jälgivuozinnu Sivistysseuru pidäy äijy ruaduo Ven’an puolel da Karjalas...