Vienan Karjala

Kirjutukset vienankarjalakse

Padaniekkoi kazvattamas

Vuvves 2008 Roman Leontjev kuuluu Ven’an Taidoilijoin liittoh // Kuva: Ol'ga Smotrova

Anukselazen Roman Leontjevan ruadopaja on linnan keskučas, se kuuluu Anuksen Taidoškolan tiloih. Sit siiriči astujes kerras et ellendä, mi pajoi sie ollou… ikkunat ollah savirevus, sydämes on tundemattomua ruadobrujua da tehniekkiä, savipuččiloi da suurembaine opastusstola on azetettu pertin keskele. Pajan ižändy on nuori mies peredniekäs. 

Tämän pajan Roman Leontjev nosti yhtes oman tuatan, Viktor Sergejevič Leontjevanke, kudai enne oli Taidoškolan johtajannu. Enzimäine padakruugu da keraamiekkupoltopäčči pajah niškoi oli suadu ruoččilazienke yhtehizen projektan mugah. Taidoškolas liženi urokkua – lapsii ruvettih opastamah keramiekkuruadoh. Opastajakse tuli taidoilii, keramiekkumuasteri da vie tundematoi silloi padaniekku Roman Leontjev.

Neruo kerras ei tulluh

Padaniekan da keraamiekkuopastajan leivis Roman Leontjev on jo yksitostu vuottu. Ei kerras briha lähtenyh oman tuatan jälgilöile... Opastunadan jälles Anukseh tulduu Roman tuttavui tundiettuh Suomes padaniekkah Erkki Steniukseh. Suomelaine keraamiekkumuasteri opasti Leontjevan padaniekan alguneroloih...

Roman on varmu, ku padaniekakse opastumine ei ole jugei ruado, sih vai pidäy himuo. Ga yhtelläh neruo kerras ei tule. Ezmäi tahtot luadie yksi pada, a vuidiu toine. Nygöihäi Roma jo varmah tiedäy, mi aste hänel roihes. Häi terväh azuu staučan da juvvan studenih niškoi endizeh tabah, luadiugi savikolbat koufeinkeittimen- libo čainiekkukolban murennuon kolban sijah, libo pezoruakovinan. Kyzyin hänel, puutuigo luadie midälienne erinomastu?..

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat