Piendy dai suurdu konferensies

Jo hyväkse perindökse suomelas-ugrilazes školas rodih Elias Lönnrotan roindupäivänny pidiä opastujien konferensii. Školal on kuulužan karjalazen rahvahanrunohuon da Kalevala-eeposan luadijan nimi, sendäh nimigi jo käsköy mustoittua sinä piän Elias Lönnrotan elostu da ruaduo. Sit, sanakse, konferensien avajazis kuda-midä saneltih školan opastujat...

Konferensien ruado meni nelläs ozastos: Nerokkahat nuoret, Histourii-kul’tuurine perindö, Muamankielen maltajat da Nuoret tutkijat. Muamankielen maltajat piettih paginua vepsäkse da suomekse. Gimnuazien n:o 17 opastui Timo Rinne pagizi kai kolmel kielel: suomekse, angliekse da ven’akse. Timo oli konferensien pienimii opastujii, brihačču opastuu nelländes kluasas. Ei ole suuri, ga voittajien joukkoh puutui. Konferensies Timo saneli oman perehen joudoaijas...