Vienan Karjala

Kirjutukset vienankarjalakse

Tule kižuamah muzeih

Muzein ruadajat uskottas, ku moizet pertit roittasgi piirilöis. Täkse päiviä se ainavo elostusperti muzeis. // Kuva: Jelena Filippova

Kanzallizeh muzeih on avattu elostuspertit perehile suuren Muzei pereheh niškoi -projektan aigua.

Sih niškoi Kanzallizen muzein vahnois tilois Engelsan pihal on luajittu kaksi pertii elostandah niškoi. Enzimäine on ku meččyaho rouno, toine on gorničannu. Kaikkie sidä, midä niilöis on, suau kaččuo, ottua kädeh da käyttiä tarbehen mugah. Muzeilois on omat tavat: kai vehkehet ollah st’oklien tagan, niidy eigo koskie, eigo kädeh ottua sua. Ga nämmis pertilöis kai on vastukarai. Lapset lapsetgi ollah – heile himoittauhäi ei vaiku kaččuo, ga käisgi pidiä da pyörittiä sidä libo tädä veššii. Juuri sendäh muzeis ottavuttih Muzei pereheh niškoi -projektah, kudamah varua suadih ENPI-programman hantuzis da kudamas paiči meigäläzii on Jovensuun muzei...

Lapset jo huškettih meččyahole, kus sai elostua libo piirustua kivel toinah kallivopiirustuksiigi. Elostustu nurmikol on ylen äijy. Jo niilöin vuoh lapset voijah tuttavua meijän muah. Ruvetah eroittamah da tiedämäh meijän čupun luonduo: griboi, sienii, marjoi, kaloi. Niilöin kaikkien bobazethäi ollah pertis. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat