Voinu nuorien silmil

Mieli luadie moine spektakli rodivui vuozi tagaperin, sen  pohjakse tuli Aleksandr Tvardovskoin tevos. Se vallittih, sendäh gu "Vasilii T’orkin" on eräs  kuulužimis voinale omistettulois tevoksis, kudai kiännettih muailman monile kielile. Tämän tevoksen avul oman muan suvaiččemizeh opastui ei yksi sugupolvi Ven’an rahvastu. Projektan taidojohtajan L’udmila Solovjovan mugah enne spektaklii oli suuri valmistusruado, nuorile, kuduat tänäpäi eletäh nygyaigazien tehnolougieloin muailmas, on vaigei ellendiä, mi on voinu...

– Minun perehes monet ei tuldu voinalpäi, sendäh minä ylen äijäl suvaičen projektoi, kudualois myö voimmo mustella nennii vaigieloi päivii. Minun mieles, Aleksandr Tvardovskoin tevos on yksi parahis, kus voibi nähtä  voinua, juumorua da suurdu oman muan suvaiččemistu, sanelou L’udmila Solovjova...

Muuzikkuspektakli kestäy läs puoldutostu čuassuu. Enzi-ildu pietäh 25. sulakuudu Mašinostroitel'-kul'tuurutalois, sinne vuotetah eri-igähisty rahvastu: lapsii, nuorii, aiguzii sego voinuveteruanoi.