Vienan Karjala

Kirjutukset vienankarjalakse

Ahtian “Lauseoppi” piäzi ilmah

E.V. Ahtian "Lauseoppi" piäzi ilmah Suomes, Karjalan Kielen Seuranhantuzis. Se on kolmas oza Ahtian kielioppii. Enzimäine oza, "Äänne-ja sanaoppi" piäzi ilmah jo 1938 Suojärvel. Sen kirjan algusanois vuvvennu 1936 Ahtia kirjuttau: “Kirjuttai meinuau, ku igiä da vägilöi täydynöy, jatkua tädä kielioppii myöhembi julguamal “Johto-oppi” da“Lauseoppi”. “Johto-opin" tiedokoneheh kirjuttamine on jo pandu alguhKarjalan Kielen Seuras. Kotimaizien kielien keskukses Kotukses on äijymuudugi mieldykiinnittäjiä Ahtian kirjutustu. Sie on ezimerkikse hänenluajittu suomelas-karjalazen sanakniigan käzikirjutus, 586 käzinkirjutettuu sivuu, kudaman painandas oli jo sobimus julguamon ker, a segi nikonzu ei piässyh ilmah...

Mindähbo Ahtian kieliopin ilmahpiäständy nenga hätkestyi? Voinu sevoitti pluanat. Voina kesti vaiku vuvvet 1939-1944 a sen jälgehgi ei ni valmehii käzikirjutuksii suannuh jullata. Onnuako täh on kaksigi syydy. Voinan jälgeh “karjal” oli Suomes läs kielletty sana julgizes paginas. Nevvostoliitto pidi “Karjalan” mainičendua “revanšizmannu”. Toine syy oli kodimaine natsionalizmu. Suomen johtajien intressois ei olluh vaiku puolistua Suomen karjalazii Nevvostoliiton hyökkävyksel, a sežo levendiä Suomie Päivännouzu-Karjalah. Heil mieles oli suomenkieline Karjal, ei karjalankieline Karjal. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat