Vienan Karjala

Kirjutukset vienankarjalakse

Aktivistoin hyvä ruado

Opastajannu kursiloil on Galina Mihailova (hur.), inehmine iče on nuožarveläine. // Kuva: Jelena Filippova

Segežas jo tostu vuottu opastetah karjalan kieldy kursiloil. Tänävuon mennyöh verratunnu on vaiku livvin murdehen opastustu, mulloihäi opastettih vienuagi.

Meil nägyy joga kohtas, ku pagin on karjalazien dielolois da ruadolois, kai on aktivistoin käzis. On ku kyläs libo linnas mostu rahvastu, kel toven vaččua tuskuau oman muamankielen periä, sit on ruaduogi kielen hyväkse. Segežas, kus rouno ku ei olis äijy karjalastu rahvastu eläjiä, ga on aktivistua, kudamat maltetah kerätä yhteh nämägi vähät linnan karjalazet da ruatah min voijah karjalan kielen da karjalazen kul’tuuran kehittämizekse. Vladimir Ivanov da Galina Mihailova Segežas ollah moizet. Mies jo viizitostu vuottu on Karjalan Rahvahan Liiton alaozaston piälikkö. Galina Mihailova opastau liygii kursiloil. Heijän hyvyös voibi sanuo linnah oli suadu karjalan kielen kursit.

Mulloi, vuvvennu 2013, Segežas oli kaksi opastujien joukkuo. Enzimäzet opastuttih vienua, toizet – liygii. Eibo ni petties sidä luajittu. Linnas on mollemban murdehen pagizijua. Segežah omal aigua ruadoh tuli rahvastu kaikkielpäi Karjalua, suvespäi dai pohjazespäi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat