Vienan Karjala

Kirjutukset vienankarjalakse

Oli šemmoni priha

Malikinien pereharhiivašša hellävaroin šäilyy Sergein valokuva, kumpani oli otettu 1941 vuuvven alušša.

Šovan alkukuukaušina Kalevalan piirin šotakomissariaatti oli kuččun 1800 piirin eläjyä Šuuren Isänmuallisen šovan rintamilla. Niistä vain 500 myöšty taistelutanterehelta omilla kotipaikoilla. Toiset löyvettih ikusen levon vierahašša muašša.

Muistokirjašša on luveteltu kaikki, ken mänehty šovašša ta kato tietämättömih.

Šiinä kirjašša on maininta vuonnislaisešta prihašta Sergei Malikinista. Tiukat rivit kerrotah: ”Kalevalan piirin šotakomissariaatti oli kuččun hänet vuotena 1939 šotapalvelukšeh Puna-Armeijan rivilöih, rivimieš, kuatu 18.08.44, hauvattu Liettuašša, Šakl’aiski piirin Plogkai-paikkakunnašša.”

Sergei Malikin on miun tiätä, miun muamon Darja Šahtarinan vanhin veikko. Muamo aina kerto meilä, jotta veikko oli rauhallini, hyväntahtoni ta miehekäš priha. Hiän ošallistu vielä talvišotah, ta šiitä šoti Isänmuallisen šovan aikana. Jo rauha-aikana muamo löysi veikon tarkan hautuamispaikan.

Sergei Malikin kuatu. Hiän ei kerinnyn šuaha tietyä, jotta evakošša, Arhankelin alovehen šyrjäkyläššä kuoltih hänen muamo ta nuorin veikko Grigori. Čikokšet Marija ta Agafja keššettih nälän ta jiätih eloh, nuorin čikko Darja kulki šotateitä halki koko Jeuropan ta myöšty kotipaikoillah. Veikko Iivana kovašša taistelušša Mga-ašeman alla oli pahašti huavotettu ta joutu vihollisien vankiksi, a vapauttamisen jälkeh hiän vietti 12 vuotta Stalinin leirilöissä.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat