Vienan Karjala

Kirjutukset vienankarjalakse

Ližiä stipendiedu muamankieldy opastujile

Akadeemizen perusstipendien ližäkse karjalan da vepsän kieldy opastujat ruvetah suamah vie 3 000 rubl’ua joga kuudu // Kuva: Ol'ga Smotrova

Uvves opastusvuvves algajen Petroskoin valdivonyliopiston filolougien tiedokunnan opastujile, kudamat opastutah karjalan libo vepsän kieldy, ruvetah maksamah ližiä stipendiedu. Paiči perustamisstipendiedu muamankielen opastujile ruvetah maksamah vie ližiä stipendiedugi – 3 000 rubl’ua kuus.

Tämän idein hyväksyttih Petroskoin yliopiston Tiedonevvostos. Yliopiston ammattivalličusruavon prorektoru Anatolii Lopuha on sidä mieldy, ku pidäy säilyttiä da kehittiä oman rannan kielii da kul’tuurua. Ližä stipendiihäi rodieu hyväkse potkukse školan loppenuzile lähtemäh opastumah muamankieldy, dai opastumah hyvin. Sidä ližiä stipendieduhäi ruvetah maksamah kui perusstipendiedugi – vaiku niilöile, ket tutkindolois suajah viidozet da nelozet.

Mustoitammo, ku filolougizen tiedokunnan karjalan da vepsän kielen ozastole piäzemizekse pidäy suorittua iellezet tutkindot: literatuuru, ven’an kieli da istourii. Opastusaigu yliopistos on nelli vuottu.

Dokumentoi otetah vastah kezäkuun 20. päiväs algajen. Yliopistoh vuotetah kaikkii, ket suvaijah omua kieldy... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat