Vienan Karjala

Kirjutukset vienankarjalakse

Sanakniigat Internetan kauti

// Kuva: Ol'ga Smotrova

Mennyt vuozien aigua kazvoi kiinnostus karjalan kieleh, ylen äijy rahvastu tuli opastumah omua muamankieldy Petroskoil. Urokkoi pietäh kerran nedälis Kanzallizen kul’tuuroin keskukses. Ga kieldyhäi pidäs käyttiä joga päiviä, ku se teriämbi tartus piäh. Tänapäi on meile kuda-midä lugemistu, sen vuoh olis kebjiembi harjavuo kieleh. Ezmäzenny abuniekannu täs dielos oldas sanakniigat.

Pahakse mielekse, karjalan kielen sanakniigoi jo ammui et lövvä kniigulaukois. Sendäh tuli mieli luadie erähien sanakniigoin elektronnoi versii. Täh ruadoh otettihes Kielen, literatuuran da histourien instituutan ruadajat. Myö valličimmo kaksi painostu: ezmäzekse – Grigorii Makarovan livvin murdehen sanakniigu, kudai piäzi ilmah 1990 vuvvel da kuduas löydyy enämbi 20 000 sanua ezimerkilöinke. Toizekse on otettu Pekka Zaikovan da Larisa Rugojevan vienanmurdehen sanakniigu. Se nägi päivänvalgien 1999 vuvvel, sih on kerätty läs 9 000 sanua.

Nygöi mollembien kniigoin elektronnoit versiet ollah Kielen, literatuuran da histourien instituutan saital illhportal.krc.karelia.ru. Kannatustu täh projektah näh saimmo Karjalan Sivistysseuralpäi, passibo heile. Uskozimmo, gu rajan mollembien puolien kielen suvaiččijat suahah abuu nämmis sanakniigois. Meile, Kielen, literatuuran da histourien instituutan ruadajile, tämän ruavon parembannu palkannu on käyttäjien lugu, sengi myö näemmö Internetas.

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat