Vienan Karjala

Kirjutukset vienankarjalakse

25 vuotta yheššä

// Kuva: Olga Smotrova

Näyttelyn stendiloissa on esitetty 60 kuvua, kumpasissa on esitetty karjalaisen liikkehen aktivistija, kielen ta perintehien šäilyttäjie, nuoren polven etuštajie. Joka kuvan alla on pantu kuvateksti karjalan kielellä.

– Kuvat on otettu Karjalan Rahvahan Liiton ta Oma Mua -lehen arhiivoista. Ne kerrotah Liiton toiminnašta, meijän projektiloista, järještön istorijašta, ihmisistä, kumpaset autettih Liiton kehittämistä, kerto KRL:n piälikkö Jelena Migunova näyttelyn avajaisissa.

Kuvien lisäkši näyttelyššä on esitetty mukavien dokumenttien kopijoja: Liiton enšimmäisien kokoukšien protokolija, rekisteridokumenttija, kirjasie. Šamoin näyttelyššä on Oma Mua -lehen enšimmäisie ta viimesie numeroja, kumpasista šuau nähä mitein lehti kehitty 24 vuuvven mittah.

Omakši merkkipäiväkši Liiton jäšenet valmissettih bukletin, kumpasešša valokuvien avulla on esitetty KRL:n toiminta viime viijen vuuvven aikana. 25 vuotta yheššä -näyttelyn vierahat šuatih buklettija lahjakši.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat