Vienan Karjala

Kirjutukset vienankarjalakse

Liitto sai uuttu vägie

Kerähmöle kerdyi enämbi kaheksuakymmendy hengie, tuli gost’ua Suomespäigi. // Kuva: Ol'ga Smotrova

KRL:n vuozipäivynedäli loppih liittolazien kerähmöh. Hos lämmin oraskuun päivy “käski” karjalazii linnaspäi kylih, rahvastu kerähmöle yhtelläh tuli äijy. Yhtet tuldih hyvittelemäh liittolazii vuozipäivänke, toizet mielihyväl otettih vastah hyvittelyt da arvosanat omale ruavole...

Kiittäjät da kiitettävät

Omii abuniekkoi palkičči da kiitti Liittogi, täl kerdua kiitändykirjazii KRL:späi suadih Ol’ga Lehtinen da Ol’ga Maksimova Kostamuksespäi, Raisa Ribakova Jyškyjärvespäi, petroskoilazet Roman Matčijev, Valentina Mironova da Nadežda Kauranen, kalevalalazet Viktor Melentjev da Žanna Tikkanen, vieljärveläine Ol’ga Ivanova, veškelčy L’ubov’ Prisoškova, jessoilču Gennadii Lukin, anukselaine Vladimir Lukin, Ol’ga Smotrova Šuojuspäi, Galina Mihailova Segežaspäi, Tatjana Kirilkina Uvves Vilgaspäi. Kiitändykirjazen sai myös Anuksen kirjastogi.

Kanzallizen poliitiekan ministerstvaspäi kiitändykirjazet suadih KRL:n aktivistat – Anna Vlasova Piäjärvespäi, Segežan alaozaston piämies Vladimir Ivanov, “Oman Muan” ruadai da karjalazien ruuttien ombelii Margarita Kemppainen da Paginkanzu-kluuban emändy Natalja Vorobei.

Karjalan Opastusministerstvu kiitti karjalan kielen opastajii, opastuskniigoin luadijoi da kohendajii – vienankarjalazii Jevgenii da Valentina Karakinoi, Ol’ga Karlovua, da liygilästy Jelena Filippovua.

Johtokundu “nuoreni”   

Tänä vuon KRL:h sai vallita uuzi piälikkö. Piälikön valličukset Liiton ustuavan mugah pietäh kerran kolmes vuvves. Jelena Migunova ilmoitti omas lähtendäs piälikön virras... Uvvistui Liiton johtokundugi...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat