Vienan Karjala

Kirjutukset vienankarjalakse

Hätken vuotettu kirju

Kirjan toimittajannu on Juminkeko-fondan piälikkö Markku Nieminen. // Kuva: Jelena Filippova

Vastevai ilmah piässyöh Vladimir Brendojevan kirjah on kerätty runoilijan kai runot da kerdomukset. Parembua ei ole ozua -kirjan prezentatsii oli runoilijan roindumual, Anukses, mennyt nedälil 21. oraskuudu.

Meil jälgimäzekse karjalazen runoilijan da kirjuttajan Vladimir Brendojevan kirjua oli painettu vie vuottu viizitostu tagaperin. Jättie hyvä jälgi muale -kogomus nägi päivän valgien vuvvennu 1999. Sidä vie sai suaja da ostua. Ga aijembazii kirjoi – ”Kylmil” da ”Kadajikko”, sanommo, ei joga toizel olluh. Enzimäzes on Brendojevan kai kirjutetut kerdomukset, toizes – suuri runoelmu voinah nähte. Nygöi kai Brendojevan tuotando, kai runot da kerdomukset, kiännöksetgi on kerätty yksih kanzih. Tämän uvven kirjan nimekse rodih ”Parembua ei ole ozua”. Nämä sanat kuulutah runoilijan erähäs runolois.

Uuzi kirju on kahten muan, Suomen da Ven’an, yhtehine ruado. Sidä luadimas oldih Suomen Juminkeko-fondu, meigäläine Kanzallizen poliitiekan ministerstvu da Periodika-julguamo... 

– Ku Vladimir Brendojev ollus vai vähästy enämbän elänyh, ga häi kirjutannusgi enämbän da suannus Nobelin palkindon, sit on varmu Juminkeko-fondan piälikkö, kirjan toimittai Markku Nieminen.

Vladimir Brendojev rubei kirjuttamah sil aigua, konzu ei olluh juurdunuh karjalan kirjukieli, eigo olluh sanakirjoi, eigo nimittumii opastuskirjoi. Ga ei tämä nikonzu olluh tiel miehele...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat