Vienan Karjala

Kirjutukset vienankarjalakse

Karjalan kielen kodi nouzou

Oulun ruadajat ruvetah luadimah kois lat’tieloi. // Kuva: Martti Penttonen

Ezmästy kerdua mieli nostua Karjalan kielen kodi  tuli jo vuvvennu 2011. Äijy on paistu kui se vois luadie. Ezmäi rubeimmo kodii eččimäh. Löydyi kodi hyväl kohtal – endine päivykodi. Kodi ozuttihes muite hyväkse, ga konzu otimmo kai seinymaterjualat iäreh sydämes dai pihan puoles, sit näimmö kui äijy hapannuttu partu on, ylen äijy homehtu oli lat’eparzilois. Pagizimmo spetsialistoin kel, kudamat nevvottih riiččie kodi. Piätimmö riiččie da srojie uuzi.

Koin projektu azuttih Petroskoin A-real -arhitektoroin firmas. Suomelazet arhitektorat Kinnermän ystävät -yhtistyksespäi sežo avvutettih luadie projektua. Projektan mugah kodi rodieu suurembakse. Karjalan kielel nikonzu ei olluh nimittumua kodii, nygöi on nouzemas ylen čoma kodi kui meijän kieligi. Eihäi hierulois ole srojittu nengomii suurii kodiloi omah rahvahah niškoi jo pitkäh aigah.

Midä rubiemmo sit tulies Karjalan kielen kois ruadamah? 

Enne kaikkie se roih kodi, kudamas karjalazet voijah opastuo lugemah da kirjuttamah omal kielel. Tahtommo pidiä kaikenmoizii kursiloi. Erähien kursiloin  (sanommo, käziruadoloin) vedäjinny voijah olla iče kyläläzet. Kursiloi voi pidiä sežo internetan kauti, nygöi opastai voi olla hos kui loitton, luvendoloi voi pidiä hos Australiespäi. Karjalan kielen kois roih oma pieni voimisteluzualu – sinne suau tulla voimistelemah  hos mih aigah. Luajimmo karjalankielizii voimisteluvideoloi, sit jogahine suau iče vallita midä häi tahtou – jougua libo vönytysty, libo aerobiekkua. Kučummo abuh kaikkii karjalazii, kuduat maltetah pidiä voimistelu-urokkoi karjalan kielel. Kirjutakkua libo soittakkua minule, sit pagizemmo kui voimo yhtes niidy luadie. Nämä videot, tiettäväine, sit voi ottua omah käyttöh toizih kylihgi.

Karjalan kielen kodih roih suuri päčči, kuduas voi pastua piiruat. Keitändyperti roih suuri, sie suau juvva čuajuu da vastavuo kyläläzien kel. Kangaspuutgi jo vuotetah uuttu kodii. Karjalan kielen kois pidäy olla äijy mostu ruaduo, kudamah ei pidäs olla opastajua: kniigoin luvendu, kirjasto, internettu, hursiloin kuvondu, ombelemine, voimistelu... 

Lugijan mielii
Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat