Vienan Karjala

Kirjutukset vienankarjalakse

Paginas argipäiväine

Svetlana Mihailovna on ylen hyvä abuniekkugi omile bunukoile. Konzu voimatutah, ei kävvä školah, ga kai midä opastutah sil aigua školas, hyö kačotah buabanke. Kois olles enämbän ehtitäh, ennitetäh programmas toizii opastujii. // Kuva: Jelena Filippova

Tänäpäi rouno ku jo emmo huijusta sanuo iččie karjalazekse da jiävie omua kieldy. Ga toiči näet buito tämä varavo, oman kielen huijustandu ei ole kogonah hävinnyh. En pagize vahnemban polven rahvahas da kieliaktivistois, tiettäväine. Pagizen lapsis. Sellitän, midä tahton sanuo. Konzu rubien pagizemah oman sizären lapsenke karjalakse, ga puaksuh kuulen vastah: ”Sano ven’akse, en ellendä”...

Grafovoil-Čuprovoil se on toizin

...Anukselaine Svetlana Čuprova oman kahten bunukanke pagizou livvikse. Hänen karjalankieline pagin kaksitostuvuodizel Leral da kaheksavuodizel Johoral on ihan tavalline, luonnolline. Moine argipäiväine da varzinaine. Hyvin nägyy, ku lapset ollah harjavuttu sih. Nikudai heis ni duumaiče ei, miksebo buabo pagizou nenga. Luonnolline heile on ellendiägi kai, midä sanou buabo. Ei hyö händy nyrvitä, midäbo la olet sanonuh, kiännä. Kui iče maltetah, mugai vastatah hänele. Ei toiči ruohtita sanuo pitkii virkehii karjalakse, ga lyhyösti vastata maltetah da kehtatah...

Pienyössäh lähtijen

Svetlana Čuprovua da hänen bunukkua Lera Grafovua Anukses tutah hyvin. Lera buabanke ainos ollah runoloin lugijoin kilvas. Enzi kerdua tuldih lugemah karjalakse, konzu tyttözel oli viizi vuottu igiä. Pienyössäh lähtijengi buabo bunukanke pagizou livvikse.

– Meile perehes aiven oli karjalan kieli. Minun muamo pruavobunukoinke ainos pagizou karjalakse. Häi pagizou endizelleh, kui hierus paistih. Ven’ua ellendäy, kuito mättiäy sih kieleh, ga ei kaikkie oigieh sano, rubieu sellittämäh Svetlana Mihailovna. – Minun mužikal rodu sežo on karjalaine...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat