Vienan Karjala

Kirjutukset vienankarjalakse

Terveh tulgua Kondupohjah

Tazavallan piirilöin ozuttelul sai tuttavuo eri laitoksih, niilöin tuottehih sego kul'tuurunähtävyksih // Kuva: Andrei Rajev

Linnas ruadoi Neroniekoin linnu -jarmanku, kuduan aigah kondupohjalazet da linnan gost'at voidih ostua Karjalan muasteriloin luajilmuksii. Tazavallan piirilöin ozuttelus sai tuttavuo eri laitoksih, niilöin tuottehih sego kul’tuurunähtävyksih.

– Tämä ozuttelu andau hyvän mahton Karjalan piirilöile ozuttua omua iččie. Päivän aigah meile kävyi äijy rahvastu, hyö kyzyttih, kui nygöi eläy Kalevalan piiri, midä myö voimmo tarita turistoile. Myö sanelimmo meijän laitoksis, etnokul'tuurukeskukses sego turizmufirmois, sanelou "Kalevalatalon" talovusozaston johtai Jurii Timonen.

Kondupohjan mečänkuadajat ollah parahat

Tazavallan päivänny omii neroloi ozutettih mečänkuadajat. Tänävuon kilbah yhtyi kuuzitostu hengie Karjalan kuvves piirispäi. Miehile pidi piästä viijes tehtäväs läbi, niilöin kekses oldih pilan valmistamine ruadoh, puun kuadamine sego oksien karzimine. Arvostelijat kačottih piluamizen vauhtih, tarkuoh sego turvalližussiändölöin noudamizeh. Karjalan mečänkuadajat ozutetah hyvii tuloksii  Ven'an dai muailman kilvois. Vuvvennu 2004 muailman čempionakse rodih kondupohjalaine Ilja Švetsov. Täl kerduagi joukko, kuduas oldih Kondupohjan mečänkuadajat Ilja Švetsov, Vladimir Dašugin sego Aleksandr Sokolov, piäzi parahakse. Nygöi hyö yhtytäh kilbah, kudai pietäh Kirov-linnas.

–     Moizet kilvat autetah parandua omii neroloi. Kilbu äijäl eruou ruavos mečäs, täs pidäy olla äijiä tarkembannu da kirmiembänny. Jogahine kilbuniekku tahtou ozuttua iččie parembas puoles, sanou Ilja Švetsov.

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat