Vienan Karjala

Kirjutukset vienankarjalakse

“Leskien laivu” ozuttihes Šuojus

Vdovii parohod -spektaklis ezitytäh Julija Baidarova, Svetlana Ostal’tsova, Margarita Martinova, Irina Sergejenkova, Natalja Ivanova, Elvira Telkinen, Sergei Prokofjev da Jurii Sergejenkov. Oigiel on teatran ohjuaju Anna Matveikova.

Vuvves 2010 Šuojun kul’tuurutaloin tyves ruadau Versii-teatrujoukko. En varua sanuo, ku tämä onnuako on parahii kyläläzii teatrujoukkoloi Karjalas. Sen ohjuajannu on Anna Matveikova, Šuojun kul’tuurutaloin johtai. Artistoin joukko ei ole suuri, enimät, tiettäväine, ollah naizet. Enimät nämmis naizis – Šuojun školan opastajat. Juuri tämägi enziallus käski minuu da minun igädovariššoi kaččomah heijän enzimästy spektaklii. Duumaičet, mibo sie meijän endizet opastajat maltetah, harjavuithäi, ku hyö ollah vagavat, ei äblötetä. Kummua meile oli, ku artistat muga maltettih jagua roulit, ku jogahine oli rounoku omannu ičennu… Muga oli joga spektaklis, kudamua kolmen vuvven aigah oli luajittu kaheksa, lapsile dai aiguzile.

Itkussah

Joga vuottu keviäl “Versien” artistat ozutetah uuzi spektakli voinah nähte. Voinu on tärgevimii ainehii teatrujoukon repertuaras. Himoniekkua kaččomah spektaklii Voiton päiviä vaste on ylen äijy, täyzi zualu rahvastu kerävyy, kaikin vuotetah, midä uuttu heile ozutetah täl kerdua. Spektaklin jälles internetas sotsiualuverkos kaččojat kiitetäh artistoi da kirjutetah omii mielii spektaklih niškoi, pihalgi toiči kuulet: “Olitgo kluubas spektaklis? Mene kävy, hyvä on”.

...Jälgimäine spektakli voinah nähte oli “Vdovii parohod” (“Leskien laivu”). Sidä ozutettih jo kolme kerdua, joga kerdua spektaklin lopus kaččojat kiitettih artistoi seizojen, kaikin lähtiettih zualaspäi itkusilmin. Spektaklin jälles petroskoilaine eläi L’ubov’ Ananič kirjutti moizet sanat sotsiualuverkos: “Ajelin Šuojuh kaččomah Vdovii parohod -spektaklii, istun jo puoli čuassuu rounoku keskele kavonnuh, en voi ellendiä, kui ei ammatillizet artistat voidih luadie moine spektakli? Minä rouno ku puutuin voinan aigah… Šuoju… sinine kulunuh kul’tuurutaloi, kudaman seinis eläy tovelline taido...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat