Vienan Karjala

Kirjutukset vienankarjalakse

Pidiä iluo yhtes

Pruazniekas omii tansuneroloi ozutettih pienimät veškelčät. // Kuva: L’ubov’ Prisoškova

Pruazniekkukonsertu avattih paikallizen halličuksen piälikkö Irina Pogrebovskaja, Zakonoinhyväksyndykerähmön deputuattu Svetlana Loginova.  Sroičanpiän hyväkse tavakse rodih parahien joukkoloin, sponsoroin da aktiivizien kyläläzien palkičendu. Täs ilmoitettih  J’essoilu- da Veškelys-joukkoloin jalgumiäččykilvan tulokset da Veškelyksen tiedäjät- kilvan voittajat.

Laval ezityttih paikallizet Paivuzet-, Revinnyh kottu-, Maksi-joukot. Rahvas hyvin vastattih Suojärven artistoi. Paikallizet runoilijat Natalja Klementjeva, Lev Vorobjov, Nina Kokkareva, Nina Vorobjova lugiettih omii runoloi. Pruazniekan vedäjat kučuttih rahvastu kruugah, a Veškelyksen neroniekat myödih omii luajilmuksii.

Enzimästy kerdua Veškelykses piettih Kyykkä-kiža. Jessoilču Gennadii Lukin ozutti, kui pidäy kižata täh vahnah karjalazeh kižah. Veškelčät terväh pandih mustoh  kižan siännöt dai enzimäzes kilvas voitettih Jessoilan sportumiehii. Olemmo kiitollizet Gennadii Vasiljevičale da toivotammo, ku meijän yhteisruado jatkuu iellehgi. 

Illal veškelčät kerryttih kluuballuo etno-illaččuh, kus pruazniekku jatkui myöhässäh.

 

 

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat