Vienan Karjala

Kirjutukset vienankarjalakse

Tytti vai muasku?

“Pežo-herran matkustajat tytit” oli enzimäzii interaktivnoloi tyttiteatroi Piiteris. Jo 21 vuvven aloh teatran ruaduo arvostetah Jevroupas da Azies, se voittau kanzoinvälizis kilvois. Kui toiziengi pihateatroin artistat, “Matkustajat tytit” suajah leibäh // Kuva: Anna Gorbač

Artistu, kudai on rodužin Petroskoispäi, lahjoittau oman linnan eläjile kaksi spektaklii kezäkuun 28. päivänny. Jo viizi vuottu neidine ezittyy Piiterin muaskuteatras “Pežo-herran matkustajat tytit”.

Jekaterina Gordejeva rodivui da kazvoi Petroskois. Lapsennu tyttö tahtoi olla pajattajannu. Hänen vahnembatgi ainos sanottih: “Aiga jalo lapsi meile on!” Kebjeijalgazel tytöl ainos midätahto mieles oli. Enne sidä, konzu Jekaterina rubei artistakse, hänel jo oli kiinnostustu tyttilöih. Vahnembien mieles, hänen kiinnostus ei olluh tavalline, kui toizil lapsil.

– Toiči astut lapsenke pihal, a häi pagizou olemas olemattomienke – rouno ku koiru hänen rinnal astuu čiepis, a olgupiäl popugai istuu. Hänel ei olluh dieluo bobazih, hänel olis vai midätahto keksie, mustelou Jekaterinan muamo.

– Se tottu on, vahnembat ainos varattih minus, nagrau artistu, – minul oli ihan tavalline keppi – “Gal’a-tytti”. Spektaklii Gal’anke ei puuttunuh luadie, ga kiinnostus tyttiteatrah jo silloi jiäviihes.

Kat’a lähti opastumah Karjalan kul’tuuruopistoh. Enziallus neidine opastui folklouruozastol, ga jatkoi opastustu jo tyttiozastol. Opastus händy miellytti, ga midälienne neidine jätti keskele oman opastuksen da muutti Piiterih, puutui Pežo-herran matkustajat tytit -teatrah, sanelou Jekaterina. – Kai, midä oli sit teatras, oli minule kummu. Nygöi jo viijetty vuottu elän piha-artistan ozua...

Linnan päivänny, 28. kezäkuudu, “Pežo-herran matkustajat tytit” ozutetah kaksi spektaklii. “Tsirkus Mutabor” Oniegurannikon pihal Kalastajat-paččahan luo ozutetah 14.00 aigah, “Dekadens” roihes 17.30 aigah Oniegurannikon pihal da Leninan pihan kulmal. “Dekadensas” Jekaterina ezittyy piäroulis.

Lugijan mielii
  • Анна18.06.2014 | 19:43
    Автор фотографии я, Анна Горбач (Gora04)
  • Анна19.06.2014 | 17:54
    Вот еще фото с того спектакля http://fotki.yandex....ora04/album/143186/, Обратите внимание, что на них есть мой НИК, а на фото на сайте он обрезан.
Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Lugijan mielii
Partn`ourat