Vienan Karjala

Kirjutukset vienankarjalakse

Emmo unohta nikonzu

Suuren merkipäivän piägostinnu oldih voinuveteruanat. Voinan aigua frontale otettih piäl 4000 Anuksen piirin eläjiä, niilöis piäl 2000 ei tuldu järilleh kodih. Heijän mustuo kunnivoittih vaikkaniolendal. // Kuva: Ol'ga Kuzmina

Yhtes piiteriläzen puhaldussoittimien orkestranke kolonnu, kuduas oldih tazavallan da Anuksen piirin vallasolijat, veteruanat, yhteiskunnallizien da vojennoloin järjestölöin edustajat, školaniekat sego linnalazet, tuli tundemattoman saldatan mustomerkin luo pruazniekkumiitingale. Tiettäväine tänä merkipäivänny piägostinnu oldih veteruanat. Omas paginas Aleksandr Hudilainen kiitti heidy da sanoi, gu heijän urhotegoloi Kodimua nikonzu ei unohta.

Erähät miitingale tuodih voinale kuadunuzien omahizien fotokuvii.

– Minä toin omien vahnembien vellien fotokuvii, yksi velli rodivui vuonnu 1923, toine - 1926. Hyö mollotit kuavuttih voinal, yksi tapettih Pitkänrannan lähäl, toine – Vengries. Minä tulin miitingale, gu vie kerran mustella heidy, sanelou Viktor Pančujev.

Konzu voinu loppih Viktor Vladimirovičal oli yksitostu vuottu. Miitingal oli äijy niidy, ket voinan aigua oldih vie lapsinnu, heile sežo pidi kestiä äijy gor'ua. Voinu koski kaikkii perehii.

– Konzu voinu algavui minul oli 13 vuottu. Kaiken voinan minä olin omas kodihierus - Riipuškalas, ruavoin kolhozas. Sil aigua puutui nähtä kaikkie: nälgiä, gor'ua, eigo jallaččii, eigo sobua olluh, konzu tiijustimmo, gu meidy piästettih suomelazis, rahvahal oli suuri ihalmo, myö hypimmö yläh da vuotimmo saldattoi kodih, meijän perehes frontalpäi tuli vai minun diädö, muaman velli, kyynälet silmis mustelou Marija Nikitina... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
Koudu: *
Partn`ourat