Vienan Karjala

Kirjutukset vienankarjalakse

Luadie runohuos lähembäkse

Minun runoilii -festivualih kerryttih priäžäläzet, vieljärveläzet, petroskoilazet, nuozarveläzet da vieljärveläzet runoloin suvaiččijat. // Kuva: Ol'ga Ivanova

Mennyt nellänpiän Priäžän etnokul’tuurizen keskuksen Kezäine Sadu-puustos  lugiettih runoloi  karjalakse. Minun runoilii -mediafestivualin järjestäi Natalja Jermolinan mieleh tuli omistua eräs festivuali karjalankielizile runoilijoile. Nataljua kannatettih Etnokul’tuurizen keskuksen ruadajat da kučuttih festivuali gostih Priäžäh. Runoillačču piätettih luadie vaste vai avatus Kezäzes Savus. Luonnonhelmuhäi, Natalja Jermolinan mieles on se paras kohtu, kus suau lugie runuo.

– Festivuali eruou tavallizis runohuon festivualilois sit, ku meijän projektas ei pie lugie runoloi muga, kui lugietah teatras, kui lugietah artistat, ei pie ni lugie mustoh, voibi ottua kädeh kniigu, planšettu libo smartfonu, kus on kirjutettu runon tekstu, da lugie siepäi, sanou Natalja. – Tavallizet rahvas lugietah runoloi tavallizeh luaduh. Meijän projektan tavoittehennu on ”pyhkie runohuos elitan pölyt”, nagrau naine...

Kallehennu festivualin gost’annu oli Karjalan kul’tuuran ministru Jelena Bogdanova.

– Minul ainos on hyvä mieli olla omien keskes, paista omal kielel, tiediä ku sinuu ellendetäh, sanoi illačun allus Jelena Viktorovna. – Sežo on hyvä mieli, ku moizii runofestivualiloi järjestetäh kylisgi. Kylishäi vie eläy se tovelline kieli, kudamal paistih karjalazet. Karjalazet ainos čomendettih omua paginua, sendäh karjalan kieli on poettine kieli, on varmu kul’tuuran ministru.

Lopul paginua Jelena Bogdanova lugi Vladimir Brendojevan Minä jaksan jälgimäzen paijan -runon... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat